بەحسا ئێش وئازارێن عەفرینێ ل پەلەمانتۆیا هۆلەندا هات كرن

Nov 26 2018

گرۆپەك ژ نوونەرێن رێخستنێن مافێن مرۆڤان و سیاسەتمەدار و كەسایەتێن سووری د ناڤ دە ژی شەندەك ژ شەپێلا پێشەرۆژا كورد ل سووریێ ل ولاتێ هۆلەندا بەسەرۆكاتیا شیخ احمد ل پەرلەمانتۆیا هۆلەندا جڤیان و بەحسا رەوشا سووریێ وبنپێكرنێ كو ل عەفرینێ و تەڤاهیا ناڤەچەێن سووریێ روو ددن، كرن.

نوونەرێ شەپێلا پێشەرۆژا كوردی ل سووریێ ل ولاتێ هۆلەندا شیخ احمد ژ بۆ ئاركێ راگهاند كو جڤاتا وان ژ بۆ وێ یەكی بوو كو بەحسا كارەساتێن كو ل سووریێ روود دە بكن و هەر نوونەرەك ژ وان بەشەكی ژ ئێش و ئازار وبنپێكرنێ ناڤچەیێن خوە ل سووریێ بلگە بكە .

نونەری شەپێلێ، دا زانین كوشاندا شەپێلێ بەحسا بنپێكرنێ ن كو گرۆپێن چەكدار ل عەفرینێ ل همبەری ولاتیێن سڤیل یێن خەلكێ عەفرینێ دكە ، كر و تەكەز كر كو ئەو كریار قالبێن بنپێكرنا دەرباس كرینە و دكەڤنە چارچۆڤەیا كریارێن ل دژی مرۆڤاهێ وهەروسا دۆسەیا دەستەسەركرنا مال ومولكێن خەلكێ عەفرینێ ودزی وتالان كرن ژ ئالیێ وان گرۆپان ڤە بەشەكی دن ژ مژارا وی وشاندا شەپێلێ بوو.

شێخ احمد ژ بۆ ئاركی ئەشكەر كر كو ئەو جڤات ل سەر داخوازا سەنتەرا راگهاندنا كوردی ل پەلەمانتۆیا ئەۆرپایێ بوو ، وبریار ل جڤاتێ دە هات ستاندن كو شاندەك ژ(7 _10 )كەسان پێك هات ژ بۆ داراشتنا نامەیەكێ تایبەت ب جڤاتا وان و رادەستی وەزارەتا دەرڤە یا هۆلەندا وكۆمیتا دەرڤە یا پەلەمانتۆیا هۆلەندا وەرە كرن.

446