خوەجهیا ئەنەكەسێ ل بەرلینێ كۆنفرانسێ خوە ل دار دخە
ئەنجومانا خوەجهی یا نوونەراتیا ئەنجومانا نشتیمانیا كوردی ل سووریێ ل بەرلینێ بانگ ل كەسایەتێن سەربخوە یێن كوردێ سووریێ ل وی باژاری كر كو تەڤلی كۆنفرانسێ وێ یێ سالانە ببە ونونەرێن خوە هلبژێرە.
د بانگا ئەنجومانێ دە هاتیە كو دیارە ل پێش چاڤێ هەمۆ خەلكێ رۆژئاڤا كوردستانێ وئەشكەرە یە كو پرسا كوردی د قۆناغەك هەستیار و دیرۆكی وگەلەكی ئالۆزە رە دەرباس دبە ، ئەڤ رۆەوشا كو سەر رۆژهلاتا ناڤین دە بگشتی و سووریێ ب تایبەتی دە هاتیە، ململانیەكە ناڤدەولەتی د ڤێ دەربارێ دە هەیە و ئیدی دانووستاندنێن ناڤدەولەتی ل سەر چارەنڤیسا سووریێ چێ دبە و هەر وەكە ئەم دزانن پرسا كوردی بەشەكی گرنگە ژ پرسا سووریێ.
خوەجهیا ئەنەكەسێ سەرباركر وگۆت، ژ بەر كو بەشەك مەزن ژ رەڤەندا كوردی ل بەرلینێ دمینە ژ بەر سەدەمێن جودا جودا و یێ هەری گرنگ ژی سەدەمێن سیاسی نە، لەوما مە وەكە ئەنجومانا خوەجهی ل باژارێ بەرلینێ دیت ، كو بانگ ل رەڤەندا كوردی بكن وبتایبەتی كەسێن سەربخوە دا كو ل كۆنفرانسێ ئەنجومانێ ل بەرلینێ بەژدار ببن ونوونەرێن خوە هلبژێرن وئیدی پشتەڤانی و شێورێ بدە ئەنجومەنێ وئالیكاریا ئەنجومانێ رەڤەندا كوردی ل ئەرۆپا رێخستن بكە ودەنگێ خوە بگهینە ناڤەندێن فەرمی و ناڤدەولەتی وپشتەڤانیا پرسا كوردی ل ولات بكە.
كۆنفرانسێ ئەنجومانا خوەجهی یا نوونەراتیا ئەنجومانا نشتیمانیا كوردی (ئەنەكەسێ) ل ئەرۆپایێ دێ 2.12.2018 ، دەم ژمێر 13:00.پشتی نیڤرۆ ب دەما بەرلینێ وەرە ل دارخستن.
676
