نەرینێن نڤیسكار وماف ناسێن كورد دەربارێ كۆنگرا نەتەوەی كوردی دە

دناڤبەرا دەم ودەمەكی دە پەیەدێ بانگا كۆنگرا نەتەوەی دكە وداخواز ژ ئالیێن كوردی دكە هەوارا بانگا وێ وەرە.

پشتی كو پەیەدێ راستی ئاستەنگی وگەف وسەرنەكەفتنان تێ " ودەڤەرێن كوردی بەرڤە وێرانكرنێ دبە وەكە چاوە ل عەفرینێ روودا و هنجەت ژ توركان رە چێ كر كو ئیریشی عەفرینێ بكە، دەنگێ پەیەدێ ژ بۆ كۆنگرا نشتیمانی نەتەوەی كوردی بلند دبە و بانگا ل دراخستنا كونگرەكی نەتەوەی دكە وپێدڤیا وی كۆنگری ژ بۆ كوردان، شاهوز حسن هەڤسەرۆكێ پەیەدێ راگهاندبوو " كو ئەو ئامادە نە ژ بۆ بەستنا كۆنگرەكی نەتەوی كو هەمۆ ئالیێن كوردی ل خوە بگرە، لێ یا كو جهێ پرسیارێ یە كو چ جما دەما نها دە پەیەدێ ڤێ بانگێ دكە ، چرا پەیەدێ ئالیێن دن یێ كوردی ل كوردستانا سووریێ قەبول ناكە، وچاوا داخوازەكی وسا دكە؟!!
د ڤێ دەربارێ دە، رۆشنبیر و پەنابەرێن كوردێ سووریێ ل پارێزگەها دهۆكێ ل هەرێما كوردستانێ، نەرینا خوە ژ بۆ مالپەرا ئەنجومانا نشتیمانیا كوردی ئانینە زمان .

نڤیسكار ابراهیم شیخو دبێژە، بەری گرێدانا كۆنگرێ نەتەوەی كوردی، دڤێ دوو مەرج وەرە بجه ئانین:

مەرجێ یەكەم، دڤێ كۆنگرە دبن سەرپەرشتیەكە ناڤدەولەتی وسەرۆكێ نەتەوا كورد مسعود بارزانی دە بە .

ومەرجێ دووەم ژی، دڤێ ئەڤ كۆنگر د بەرژەوندیا مللەتێ كورد ل هەر چار پارچەیێ كوردستانێ دە بە و چ پارچەیەك ژێ بێ پار نەبە.

هەلبەستڤان شیار لیانی گۆت: دڤێ بەری گرێدانا كۆنگر فاكتەرنە هەڤبەش دناڤبەرا هەمۆ ئالی و پارتیێن سیاسی كوردستانی دە هەبە وئەو ژی بیروباوەری ب پرسا نەتەوەی كوردی ومافێ رەوایی مللەتێ كورد هەبە، وهەر پارچەیەكی كوردستانێ تایبەتمەندیا وێ وەرە ل بەرچاڤ گرتن و چ ئالی دەم ژ بۆ خوە بكار نەهێنە و هەلوێستێن خوە ب زەلالی و بێ دروشمێن بەلۆق ل سەر مێزا كۆنگرا نەتەوەی و دانە .

هەروسا لیانی گۆت: ودڤێ هێلێن دیار وئەشكەر ژ بۆ گۆتوبێژكرنێ هەبە، دڤێ كۆنگر دبن چاڤدێریا سەرۆك مسعود بارزانی دە بە وب گارەنتییەك ناڤدەولەتی ژی بە.

ژ ئالێ خوە ڤە ژی چالاكڤانا دەربارێ مافێ مرۆڤ دە عنودا اوسو دبینە كو بەریا گرێدانا كونگرێ نەتەوەی ، دڤێ زەمینەك خوەش هەبە مینا ئازادكرنا گرتیێن سیاسی و ئۆفیسێن پارتیێن سیاسی ل كوردستانا سووریێ وەرن ڤەكرن و جادەیا كوردی ب ئاوایەكی ئازاد نەرینا خوە بێژ ودیار بكە و لهەڤكرنەك دناڤبەرا ئالیێن كوردی دە هەبە .

505