داعش دیلێن چه‌كدارێن قه‌سه‌دێ سه‌رژێ دكه
آرك نيوز .. ل بن سییا ده‌سپێشخه‌ریێن هۆز ورووسپيێن عه‌رب ونیازێن باك یێن په‌یه‌دێ هه‌ر ده‌مه‌ك وده‌مه‌كێ ده به‌رپرسێن په‌یه‌دێ ل ده‌ڤه‌رێن كوردی ل كوردستان سووریێ ته‌رۆریستێن داعشێ سه‌ربست به‌رددن بێ كو ب هه‌ڤگوهه‌رتنه‌كێ ب دێلێن خوه یێن د زیندانێ داعشێ بكه .
داعشا ته‌رۆر كو ب هه‌زاران مالباتێن كورد وعه‌رب ل سووریێ و عێراقێ ته‌رۆركرنه و ب هه‌رزازن مالێن كوردان وێران كرنه نه‌خاسم جوانێن كورد ژ خورت و كه‌چان یێن كو ب نه‌چاری ته‌ڤلی چه‌كدارێن یه‌په‌گێ وقه‌سه‌دێ بوونه ب ده‌ستێ وان یێن ته‌رۆری ل گرێ سبی و كۆبانێ ودێره‌زه‌رێ و ره‌ققاێ وهن ده‌ڤه‌رێن دن یێن كوردستانا سووریێ هاتنه كوشتن .
یاهه‌ری داویێ به‌ریا دوو رۆژان به‌رپرسێن په‌یه‌دێ ل جزیرا رۆژئاڤایێ كوردستانێ 102 ته‌رۆریستێن داعشێ سه‌ربست به‌ردان كو به‌ریا وێ ده‌مێ ژی 27 سه‌ربست به‌ردابوون .
د هه‌مان ده‌ما شه‌رێ په‌یه‌دێ ب داعشێ ره شه‌ره‌كی سه‌ره‌كه یه نه‌خاسم ل دێره‌زۆرێ كو ل گۆر ره‌وانگه‌ها سوری یا ماڤێ مرۆڤان كو د چارچۆڤه‌یا رۆژێن بووری ده 47 ژ چه‌كدارێن قه‌سه‌دێ ب ده‌ستێ داعشێ ژیانا خوه ژ ده‌ست دانه و هه‌ژماره‌كه دیل كه‌تن و به‌شه‌ك ژ وان ب شێوه‌یه‌كی هۆڤانه هاتنه سه‌رژێكرن .
ل گۆر په‌رچه ڤیدیۆ ل سه‌ر تۆرێن جفاكی ژ ئالیێ داعشێ ڤه هاتیه به‌لاڤكرن تێده ته‌ۆریستێن داعشێ ب شێوه‌یه‌كی دوور ژ مرۆڤاتیێ هن دیلێن كورد وعه‌رب یێن قه‌سه‌دێ سه‌ر ژێدكه .
سه‌ربست به‌ردانا ته‌رۆرستێن داعشێ ل جزیرا رۆژئاڤایێ كوردستانێ بوو جهێ سه‌یرێ ومه‌تمایێ كو د ده‌ما په‌یه‌دێ داعشان سه‌ربست به‌ردده دهه‌مان ده‌مێ ده شه‌رێ وان ل رۆژهلاتێ سووریێ دكه وبوو جهێ نه‌رازیبوونا سیاستمه‌دار و چالكڤانێن كورد .
نه‌قینێ سه‌ندیكایا رۆژنامه‌ڤانێن كوردستانا سووریێ عمر كوچه‌ری گۆتاره‌كه نڤیساندیه تێده گوتیه كو دیاره په‌یه‌دێ دخوازه زیندانێن خوه ژ داعشێ سبی بكه وئه‌و نزانه ڤێ جارێ به‌هه‌ڤگوهه‌رتنه‌كه ل هه‌مبه‌ر چ یه ؟؟ جارا به‌رێ ل هه‌مبه‌ر دیلێن سویدا بوو ئه‌گه‌ر هه‌یه ڤێ جارێ ل هه‌مبه‌ر هن ئه‌فسه‌ر رێژیما سووریێ به ؟؟
كۆچه‌ری هه‌روه‌ها دا زانین كو د ده‌ما په‌یه‌دێ داعشان سه‌ربست به‌ردده ل سه‌ر گرتنا خه‌باتكارێن كورد وه‌ك فۆاد ابراهیم ادریس علو احمد سیدو رژده .
سه‌ربست به‌ردانا ته‌رۆریستێن داعشێ بوویه جهێ گۆمانێ ب تایبه‌ت ب سه‌دان كورد ل جه‌م داعشێ گرتینه بێ كو ب هه‌ڤگوهه‌رتنه‌كێ دروست ببه.
ژ ئالیێ خوه ڤه شرۆڤه‌كارێ سیاسی منال حسكۆ ل سه‌ر گرتنا دیلێن كورد بده‌ستێ داعشێ ده گۆت كو گه‌لۆ راگهاند وسه‌ركه‌ڤتنێن وان ل كو ده‌رێ نه و ژ دو‌ه ڤه جوانێن كورد وه‌ك دیل ل شه‌رێ دێره‌زۆرێ تێنه گرتن .
حسكۆ هه‌روه‌ها گۆت كو شه‌رێ دێره‌زۆرێ په‌رده ل سه‌ر خه‌مساریا وان ب خوه‌ینا كوردان راكر.
سه‌ربست به‌ردانا گرتێن داعشێ د ده‌مكێ تێ كو ب ده‌هان سیاسه‌تمه‌دار وچالكڤان ووه‌لاتی یێن كورد د زیندانێ په‌یه‌دێ ده نه ب ته‌نێ ژ به‌ر كو نه ل كۆر سیاسه‌تا وان نن.
ش.ع
973
