ئیرۆ رۆژا جیهانی یا نەهشتنا تووندوتیژی ل دژی ژنێ یە

هەر سال وەكە ئیرۆ25 یێ مژدارێ كۆمەلەیا گشتی یا نەتەویێن یەكگرتی رۆژا جیهانی یا نەهشتنا تووندوتیژی ل دژی ژنان ددە ناسكرن.

ژ سالا 1999 ڤە وهەتا وەكە ئیرۆ رێخستنا ناڤبۆری هەمۆ دەزگەهێن حكۆمی و نە حكۆمی ورێخستنێن مافێن مرۆڤان و ئالاڤێن راگهاندنێ ئاگادر دكە داكو هوشیاریێن نابۆ تووندوتیژی ل دژی ژنێ و چاندا وەكهەڤیێ بلاڤ بكە.

ئەڤ بۆنەیە گرێدایی ب پرسا كوشتنا هەرسێ خویشكێن میرایال د سالا1960 ل ولاتێ دومینكان كو كۆمارەكە پچووكە نیزیكی كۆبا وهایتی، داكو ببە سەدەمەك ژ بۆ ئەڤ رۆژ ببە رۆژا جیهانی یا نەهشتنا تووندوتیژی ل دژی ژنێ.

خویشكێن میرایال سێ ژن بوون ل سەر دستێ كەسێن نەناس ڤە هاتن كوشتن د رۆژا 25 هەیڤا مژدارێ د سالا 1960 دە " د سەردەمێ دكتاتور رافاییل تروخیلو وبوونە سەمبۆلێن رۆژا جیهانی یا نەهشتنا تووندوتیژی ل همبەر ژنان.

باڤێ هەرسێ خویشكان كاربدەستەكی سەركەفتی بوو و ژیانەك سادە دگەل كەچێن خوە ژیا، و دژبەرێ رێژیما دكتاتور یاكو كەسایەتیا تروخیلو تێدە پیربوو ودەستهلاتا خوە یا رەها ل سەر تەڤاهیا وەلات سەپاندبوو ة پشتی هەماهنگیا وی یا نهینی ب كەنیسە وئالاڤیێن رۆژنامەڤانیێ رە و دەستهلاتا وی یا لەشكەری پۆلیسی و ب هەزاران ژ دژبەرێن خوە ب دارڤەكرن.

جیرۆكا هەرسێ خویشكان وسا دەست پێكر، د بۆنەیەك گشتی دە كو یەك ژ وان هەرسێ خویشكان ئامادە بوو وهەروسا ئەو دكتاتورەژی تێدا ئامادە بوو وی هەول دا بوو كو دەستدرێژیێ بكە سەر وێ ژنێ و ئیدی وێ ل بەرخوە دا و ئەو رەت كرە پشترە ئەو و مالباتا خوە نەچار بوو ئاهنگێ بجه بهێلە و پشترە تەڤگەرەك ئاڤاكر و ل دژی دكتاتور تروخیلو خەبات كرن.

ب لەز ترۆخیلو فەرمانا گرتنا وان ومالباتا وان دەركر وهەمۆ گرتن و كرنە گرتیگەهان دە، پشتی دەمەكێ ئازاد كرن و ب ئاوایەكی ڤەشارتی نەمرۆڤانە هەرسێ خویشك تەرۆركرن.

پشتی تەرۆكرنا هەرسێ خویشكێن میرایال ة ئەشكەرە بوو كو سەرۆكێ وەلات یێ دكتاتور تروخیلو ل پشت پیلانا تەرۆركرنا وانە، وئەو یەك وەكە دەربەیەك بهێز بوو ژ دكتاتور رە و پشتی 6 هەیڤان ژ بوویەرا تەرۆركرنا هەرسێ خویشكان " دكتاتور تروخیلو هات تەرۆركرن و داوی ب دەسهلاتا وی و رێژیما وی هات.

ئیدی رۆژا تەرۆركرنا هەرسێ خویشكان مینا رۆژا جیهانی یا نەهشتنا تووندوتیژی ل دژی ژنێ ل جیهانێ دەة ل سالا 1999 ژ ئالیێ كۆمەلەیا نەتەوەیێن یەكگرتی ڤە هات ناسكرن.

587