د.عەبد الحكیم بەشار : PYD - كێشە - بژاردە ویان ژی مەرج

آرك نيوز .. ئەندامەكی پۆلیتبیرۆیا پارتیا دیموكراتا كوردستان سوریا گۆتارەك دەربارێ رەوشا نها یا هەرێما جەزیرێ وكووبانێ وبژاردەیێن پەیەدە ل وان ناڤچەیێن كوردی نڤیسی , وتێدە گۆت كو چەندین پێشهاتە هەنە وێ ببنە سەدەم داكو توركیا دەرباسی رۆژهلاتێ چەمێ فەراتێ ببە .

دكتۆر عبد الحكیم بشار ئەندامێ پۆلیتبیرۆیا پارتیا دیموكراتا كوردستان سوریا د گۆتارا خوەدە گۆت داوین پێشهاتە یێن هەڤكیشا سیاسی ول سەر عەردێ ددنە خویاكرن كو توركیا وێ دەرباسی هەرێما جەزیرێ وكووبانێ ببە .

1ـ باشبوونا پەیوەندیان ناڤبەرا ئەمریكا وتوركیا دە وب تایبەتی پشتی هەماهەنگیا كو دەربارێ دۆسەیا خاشقجی دە ناڤبەرا وان دە دروست بوو , وتوركیا قەشەیێ ئەمریكی برۆنسۆن سەربەست بەردا , وراكرنا سزایان ل سەر بەرپرسیارێن توركیا ژ ئالیێ ئەمریكا ڤە .

2ـ لاواز بوونا پەیوەندیان ناڤبەرا رژێما ئەسەد وپارتیا یەكیتیا دیموكراتیك دە , وخویایە كو رژێما ئەسەد پەیەدە ژ بۆ جێبجێكرنا مەرەمێن خوە ئانینە رۆژئاڤایێ كوردستانێ , وئەو مەرەم ئەون كو رێگریێ ل كوردان بكە داكو بەشداریێ د شۆرەشا سووریێ دە نەكن , وهەورەها ژ بۆ دروستكرنا شەرەكی كوردی - عەرەبی .

3ـ بریارا ئەمریكا ب تەرخانكرنا ( 12 ) مەلیۆن دۆلار ژ بۆ دیاركرنا جهێ سەركردەیێن پەكەكە نامەیەك بوو ژ بۆ پەیەدە داكو ژ وانرە بێژە كو پەكەكە د لیستەیا تەرۆرێ دەیە ل جەم ئەمریكا , ووەلاتێن یەكیتیا ئۆرۆپا , وپێویستە پەیەدە ژ پەكەكە وەرە جوداكرن .

دكتۆر عبد الحكیم بەشار گۆتژی كو ئەگەرا دەرباسبوونا توركیا بۆ هەرێما جەزیرێ بهتر دبە , ود هەمان دەمێ كریزا پەیەدە ئاستەم دبە , ئەوژی ژ بەر كو پەیەدە تو ئیستراتیجیا وێ نینە وژ بەر كو پەیەدە بێ كارنامەیە روو ل چەندین ئاراستەیان كر .

1ـ پەیەدە چوو بۆ شاما پایتەختا سووریێ , ول سەر ئاستەكی نزم دانووستاندن ل گەل بەرپرسیارێن ئەولەهی یێن رژێما ئەسەد كرن وپەیەدە داخواز ژ رژێما ئەسەد تەڤایا ناڤچەیێن كوردی كۆنترۆل بكە ببێ شەرت ومەرج , لێ تو ئەنجام ژ وان دانوستاندنان رە نەبوون.

2ـ دەرخستنا لێدوانێن گرێدایی ب ڤەگەرا پەیوەندیان ناڤبەرا پەیەدە وئەنەكەسە دە , وڤەگەر ژ بۆ رێكەفتنێن هەولێر ودهۆكێ .

ئەندامێ پۆلیتبیرۆیا پارتیا دیموكراتا كوردستان سوریا گۆت ئەگەر ئەنجوومەنا نشتیمانی یا كورد ل سووریێ رێكەفتنێ ل گەل پەیەدە بكە وێ بكەڤە شاشیتیەكە مەزن دە , ژ بەر پەیەدە نە جهێ باوەریێ یە وبەردەوام پیلان وئەجندایێن وەلاتێن داگیركەرێن كوردستانێ جه بجه دكە .

هەروەها دكتۆر عبد الحكیم بشار گۆت كو تەڤایا ئاماژەیان ددە خویاكرن كو پەیەدە باسكێ پەكەكەیە ل رۆژئاڤایێ كوردستانێ , وپەیەدە فەرمانێن خوە ژ قەندیلێ وەردگرن , وچەكدارێن پەیەدە ل سەر دەستێ گرێلایێن پەكەكە مەشق ب وان هاتیە كرن ورژێما ئەسەد پشتەڤانی پێشكێشكر .

دكتۆر عبد الحكیم بشار گۆت كو توركیا ب تو ئاوایەكی هەبوونا باسكەكی پەكەكە ل رۆژئاڤایێ كوردستانێ قەبوول ناكە , ژ بەر كو توركیا پەكەكە وەكە مەترسیێ ل سەر ئەولەهیا خوە دبینە , وب هەر ئاوایەكی بە توركیا وێ بەرەڤانیێ دبەر پاراستنا ئەولەهیا نەتەویا خوە بكە .

د بەردەوامیا گۆتنا خوەدە ئەندامێ پۆلیتبیرۆیا پارتیا دیموكراتا كوردستان سوریا گۆت كو تەڤا ئاماژەیان ددە خویاكرن كو رەوشا نها یا پەیەدە ئاستەمە , ورێكەفتنا ئەمریكا ل گەل پەیەدە ب تەنێ ئەوە كو چەكدارێن پەیەدە ل گەل وان شەرێ داعشێ دكن , وئەمریكا بەرەڤانیێ د بەر پەیەدە دە ناكە ئەگەر توركیا ئێریش پەیەدە كر .

د گوتارا خوەدە دكتۆر عبد الحكیم بشار ئاماژە ب بژاردەیا پەیەدە كر وگۆت كو بژاردەیا هەری سەرەكە یا پەیەدە ئەوە كو پەیوەندیێن خوە ل گەل قەندیلێ ببرە , وئەو برینا پەیوەندیان ببە راستیەك ل سەر عەردێ .
هەروەها ئەندامێ پۆلیتبیرۆیا پارتیا دیموكراتا كوردستان سوریا گۆت كو ئەگەر پەیەدە پەیوەندیێن خوە ل گەل پەكەكە ببرە , وی دەمی ئەركە ل سەر پەیەدە گوهارتنێ د ناڤا خودێ رێزێن پەیەدە دە بكە وئەو گوهارتن ودەرئەنجامێن برینا پەیوەندیان ل گەل پەكەكە وێ ب ڤی رەنگی بن :

تەكەز بوون ل سەر داخوازێن پەیەدە وەكە پارتیەكە سووری نەك پارتیەك خوەدان پەیوەندیێن گومان لێكری .
دووركرن ودەرخستنا تەڤایا چەكدارێن بیانی د ناڤا رێخستنێن پەیەدەدە , ورێگری ل ئەنجامدانا چالاكیان ژ دەرڤەیی ناڤچەیێن دبن دەستێ وان دە .

پەیوەندیكرن ل گەل ئۆپۆزسیۆنا سووریێ , ودووركەتن ژ تەڤایا كریارێن هۆڤانە وتەرۆرستی ل دژی هەمبەر خوە .
ڤەكشان ژ ناڤچەیێن عەرەبی ل باژارێن .. منبج , رقە . گوندەوارێ دێرازۆرێ , وگوندەوارێ باكوور یێ حەسەكە , ورادەستكرنا ناڤچەیان ژ بۆ خەلكێ وێ .

سزادانا تەڤایا وان بەرپرسیاران كو بنپێكرن دەرحەقێ خەلكێ سڤیل دە ئەنجامدایی .

راوەستاندنا تەڤایا بنپێكرنان دەرحەقێ ئالیێن كوردی دە ل رۆژئاڤایێ كوردستانێ , وریێ دان ب ڤەكرنا ئۆفیسان , ونەهشتنا لەشكەریا نەچار , وگوهارتنا رێبازێن خوەندنێ یێن ئیدیولۆج كری , وچەندین بنپێكرنێن جودا جودا .

ئاڤاكرنا رێڤەبەریەكە نوو ب هەماهەنگی ل گەل ئەنجوومەنا نشتیمانی یا كورد ل سووریێ وهەڤپەیمانیا نشتیمانی یا ئۆپۆزسیۆنا سووریێ ژ بۆ ب رێڤەبرنا ناڤچەیێن عەرەبی یێن نە دبن دەستێ رژێما ئەسەد دە وهەورەها ناڤچەیێن كوردی .

د داوی دە ئەندامێ پۆلیتبیرۆیا پارتیا دیموكراتا كوردستان سوریا گۆت كو ئەگەر ئەڤ پەیەدە پابەندیێ ب ڤان مەرجان بكە , وی دەمی مەترسیا گەف وئێریشكرنێ ل سەر رۆژئاڤایێ كوردستانێ نامینن , وزەمینەكە باش ژ بۆ ڤەكرنا رووپەلەكە نوو وێ دروست ببە, لێ ئەگەر پەیەدە د سیاسەتێن خوەدە بەردەوام بكە وی دەمی پەیەدە بەرپرسیارە دبەر تەڤایا دەرئەنجامان كو ل رۆژئاڤایێ كوردستانێ وێ دروست ببن .
ز.ح

418