سه‌ده‌مێن راسته‌قینا یێن شه‌رێ عه‌فرینێ ئه‌شكه‌ره بوون
آرك نيوز .. چالاكڤانه‌كی كورد خه‌لكێ عه‌فرینا رۆژئاڤایێ كوردستانێ ژ ئاركێ ره سه‌ده‌مێن راسته‌قینا یێن رووداونا شه‌رێ كو د 18 مژادرێ 2018ان ناڤبه‌را چه‌كدارێن گرووپا شهداء الشرقیه وگرووپێن دن یێن ل عه‌فرینێ دمينن ئه‌شكه‌ره كر كو د ئه‌نجامدا زێده‌رتر ژ 30 چه‌كداری هاته كوشتن و هژماره‌ك ژ برینداران كه‌تبوون .
چالاكڤانێ كورد نه‌خوه‌ست ناڤێ وی وه‌ره ئه‌شكه‌ره‌ن كرن راگهاند كو سه‌ده‌مێن روودانا شه‌ر ئه‌و بوو ژ به‌ر كو گرووپا چه‌كدارێن شهدا الشرقیه بریارا توركیێ ژ بۆ ڤه‌گوهه‌ستنا ده‌ڤه‌رێن دن یێن كوردستانا سووریێ كو تێ كۆمان كرن توركیێ دێ ل وان ده‌ران شه‌ر بكن ره‌دكر له‌وما ئه‌و شه‌ر هاته روودان .
وی چالاكڤانی هه‌روه‌ها دا زانین كو پرانییا چه‌كداران ب مالباتێن خوه ره جهێ خوه ل شوونا كوردێن ده‌ربده‌ر وپه‌نابه‌ر گرتنه وناخوه‌زن جاره‌كه دن به‌رێ خوه بدن ده‌ڤه‌رێن دن وبه‌شداریێ د شه‌رن دن ده بكن ب تایبه‌ت پشتی كو ب لنگێ خوه ل عه‌فرینێ چه‌سپاندن و مال وملكێن وه‌لاتییان دزین وده‌سته‌سه‌ركرن.
ژ ئالیێ خوه ڤه ئازاد عوسمان ئه‌ندامێ ئه‌نجومه‌نا خوه‌جهی یا ناڤه‌ندا عه‌فرینێ د ده‌ما به‌شداریێ د بوولته‌نا ئاركێ 19 مژدارا 2018 ان راگهاند كو ئۆپه‌راسیۆن ل سه‌ر داخوازا خه‌لكێ عه‌فرینێ بوو و دێ گه‌له‌ك گرووپ ل خوه بگره .
ده‌ربارێ چه‌كدارێن شهدا الشرقیه عوسمان ته‌كه‌ز كر كو ب ده‌سپێشخه‌رییه‌كێ ژ كۆمبه‌ندا سه‌ربخوه‌یان و سه‌رۆكێن ئێلێن عه‌رب ئه‌و گرووب به‌رێ خوه دان ناڤچه‌یا جندرێسێ وئه‌گه‌ر هه‌یه ژ وێ ده‌رێ به‌رێ خوه بدن ئدلبێ.
وته‌كه‌ز كر كو ره‌وش پشتی وی شه‌ری جاره‌كه دن ڤه‌گه‌ریا وه‌كه به‌رێ
شه‌رێ د ناڤبه‌را گرووپێن چه‌كدار ده د ناڤ كۆلانان ده بوو وچه‌كێن گران هاتن بكارئانین و ئه‌و یه‌ك مه‌ترسیه‌ك مه‌زن ل جه‌م خه‌لكێ عه‌فرینێ دروست كربوو وزیانێن مادی گهشت مالێن وه‌لاتییان .
ش.ع
519
