داویترین پێشهاتهێن عهفرینێ
آرك نيوز .. پشتی كو گرووپێن چهكدار د بنپێكرنێن خوه ده دهرحهقێ وهلاتیێن عهفرینێ پر و زێده كرن ژ كوشتن لێدان رهڤاندن و خوهستنا پهره و دزی و گرتنا سهر مالان وپشتی دهرباسبوونا ههشت مههان ژ دهرباسبوونا توركیێ ژ بۆ عهفرینێ هێزێن توركیێ یێن تایبهت ب ئالیكارییا پۆلیسێن لهشكهری ئۆپراسیۆنهكه بهرفهره دهرحهقێ گرووپێن چهكدار یێن ب بنپێكرنان رادبن ئهنجادمدا .
ژ دوه ب شهڤێ ڤه 18 مژدارێ 2018رهوشا هاوهرچوونێ و قهدهغهكرنا چوون وهاتنا سڤیلان هاتیه راگهاندن پشتره ئۆپراسیۆن دهستپێكر و بالافرێن چاڤدێریێ و لهشكهری ل ئهسمانا عهفرینێ دفرین .
ژ ئالیێ خوه ڤه دهستهیا ئهركانا گشتی یا چهكدارێن ئارتێشا نشتیمانی یا سهر ب حكومهتا سووریا دهمكی د داخویانییهكێ ده راگهاند كو رهوشا هاوهرچوونێ ژبۆ دهستهسهركرنا گرووپ وچهتهێن كو ژ یاسا دهركهتنه بكه و ئهو ئۆپهراسیۆن ب سهرپرهشتیا چهكدارێن ئارتێشا نشتیمانی و پۆلیسێن لهشكهری یه .
ل گۆر ژێدهركه تایبهت ژ پۆلیسێن لهشكهری ئارگێ ره راگهاندیه كو ئهو ئۆپراسیۆن ژ بۆ دهرخستنا چهكدارێن الشرقیه یه كو پرانییا وان خهلكێ دێرهزۆرێ نه و د ئهنجاما شهر وپهڤچوونان ده هژمارهك كوشتی وبریندار كهتن .
ل ئالییهكی دن ژێدهرهكه ژ عهفرینێ ژ ئاركێ دا زانین كو پهڤچوون بهردهوام بوون وب تایبهت ل تاخا ڤێلات و بالافرێن شهر ویێن چاڤدێریێ د ئهسمانا عهفرینێ ده دفرین ههروهها دهنگێ دوو تهقینێن ب هێز هاتن بیستن تێ گۆمان كرن كو ژ ئالێ بالافران ڤه هاتبه ئهنجامدان .
د 15 مژدارێ 2018 ان چالكاڤانان هن وێنهێن بهلاڤبوونا هێزێن تایبهت یێن توركیێ بهلاڤكرن كو ل دبستانا فیصل قدور جهێ خوه گرتبوون .
ههر ل سهر وان هێزێن كو هاتنه عهفرینێ ئاژانسا ئانادۆل راگهاندبوو كو ئهو هێز سهر ب سهرۆكاتییا توركیێ ڤه نه و دێ ب كارێن تایبهت راببن.
د ههمان دهمان دوو خۆلێن پۆلیسێن سڤیلان ل ناڤچهیا راجۆ و مابهتا بداوی هاتن ودهست بكارێ خوه كرن وكار ژبۆ كو ئهو پۆلیس ل شوونا چهكداران جهێ خوه بگرن تێنه كرن .
ش.ع
.
749
