ئەنەكەسێ دەربارێ تێكچوونا رەوشا مرۆڤی ل سووریێ بانگ ل جڤاكا ناڤدەولتی كر
ئه‌مینداریا گشتی یا ئە‌نجوومه‌نا نشتیمانی یا كوردی ل سووریێ, داخویانیه‌ك ده‌ربارێ تێكچوونا ره‌وشا مرۆڤی و ئابووری ل سه‌رانسه‌ری سووریێ به‌لاڤ كر, و بانگا رزگاركرنا ژیانا ب مه‌لیۆنان كه‌سان ژ ڤێ ره‌وشێ كر.
ئه‌نەكەسێ وه‌ها گۆتیه: هه‌ڤده‌مێ نه‌بوونا تو ده‌ستپێشخه‌ریه‌كه جدی بۆ ئەكتیڤكرنا پرۆسه‌یا سیاسی, و نه‌كارینا جڤاكا ناڤده‌وله‌تی, ژ دروستكرنا فشاره‌كێ ل سه‌ر رێژیما سووریێ, بۆ جیبجیكرنا بریارێن ناڤده‌وله‌تی, د سه‌ری ده بریارا 2254, بۆ دیتنا چاره‌یه‌كێ ژ كریزا سووریێ ره, هه‌ر وه‌ها شكه‌ستئانینا وه‌لاتێن عەره‌بی د نه‌چاركرنا رێژیما سووریێ ژ بۆ بجیكرنا سۆزێن خوه, پشتی كو ڤه‌گه‌ریا كۆمكارا عەره‌بی, هه‌ڤده‌مێ ڤان بوویه‌ران, كریزا سووریا رۆژ ب رۆژ گورتر و زه‌حمه‌تر دبه, پێ ره ده‌رده‌سه‌ریا سووریان, ب گشتی, چ یێن ل هوندر بن یان ل كامپێن په‌نابه‌ریێ بن, مه‌زنتر دبه, ب تایبه‌ت لیره‌یا سووری ل هه‌مبه‌ر دراڤێن بیانی, هلدوه‌شه, و رێژیما ئە‌سه‌د ب روهێ به‌رپرسیارتیێ هه‌ست ب وه‌لاتیان ناكه, كو ئێدی وه‌لاتی د ره‌وشه‌كه پر خه‌راب ده دژین و مه‌هانه كریا كاركه‌ر و كارمه‌ندان ب ته‌نێ چه‌ند دۆلارێن ئە‌مه‌ریكی نه, به‌رووڤاژی وێ یەكێ، رێژیما ئە‌سه‌د رێ و ده‌ستهه‌لاتداری دایه, گه‌نده‌ل و كه‌یسبازان كو هه‌ر جوره‌ك ژ ده‌ستهه‌لاتداری و خه‌رابیێ ل سه‌ر وه‌لاتیان ده ئەنجام بدن.
ئه‌نەكسێ ته‌كه‌ز كر كو ئەڤ كریار ل پێش بێده‌نگیا جڤاكا ناڤده‌وله‌تی و ئالیێن به‌رپرسیار تێ, ل ده‌ڤه‌رێن نه ل ژێر ده‌ستێ رێژیمێ ژی, ره‌وشا وه‌ها یه و ئەڤ یه‌ك ب جی دبه. ل عە‌فرین, سه‌رێ كانیێ و گرێ سپی, , هه‌ڤده‌مێ گوهه‌رتنا ده‌مۆغرافی و بنپێكرنێن به‌رده‌وام ژ ئالیێ پرانیا كۆمێن چه‌كدار ده ره‌وش خه‌ربترە, هه‌ر ل ده‌ڤه‌رێن كوردی یێن د بن ده‌ستێ پەیەدێ ده, ده‌رده‌سه‌ریا خه‌لكێ ژ چه‌ند سالان ڤه به‌رده‌وام دكه, سه‌رباری كو هلمه‌تێن له‌شكه‌ریا نه‌چار ل دژی جوانێن كو ناندارێ مالباتا خوه نه, و ره‌ڤاندنا زارۆكان به‌رده‌وام دكه, كریزا ئاڤێ ژی ل باژار و باژارۆكان نه‌خاسم ل هه‌ر دو باژارێن حه‌سه‌كێ و تل ته‌مرێ, مه‌زنتر بوویه, بێ كو پەیەدێ پرۆژه‌یێن شوونگر بۆ بداویكرنا ڤێ پرسگرێ بده, هه‌ر وه‌ها رێڤه‌به‌ریا پەیەدێ نرخێ سووته‌مه‌نیێ بلند كر, ئەو ژی بوو سه‌ده‌ما بلندبوونا هه‌ر جوره‌ك ژ پێدڤیێن ژیانێ, د سه‌ری ده, كریا ڤه‌گوهه‌ستنێ, نرخێ نێن, و هه‌ر پێده‌ویستیه‌كێ ژ ژیانا رۆژانه, كو ژێده‌را سووته‌مه‌نی ژ ده‌ڤه‌رێ ده‌ردكه‌ڤه و یه‌ك ژ بنگه‌هێن ئابووریا ده‌ڤه‌رێ یه, دڤێ كو ببه سه‌ده‌ما پشتگریا ماده‌یێن خزمه‌تگوزاری, نه ببه سه‌ده‌ما زێده‌كرنا ئازارێن خه‌لكێ و نه‌چاركرنا ل سه‌ر هلبژارتنا رێیێن مرنێ و كۆچكرنێ, كو ئەو ژی دبه سه‌ده‌ما گوهه‌رتنا ده‌مۆغرافی ل ده‌ڤه‌رێ.
ئه‌نەكەسێ سیاسه‌تێن ترساندن و بریار و رێكارێن ته‌كانه ژ ئالیێ ده‌ستهه‌لاتداریێن جودا ل سه‌رانسه‌ری سووریێ د ده‌رمافێ وه‌لاتیان ده شه‌رمه‌زار كرن, د هه‌مان ده‌مێ ده بانگ دكه كو لیستك و ده‌ستێوه‌ردانا ب بژێوا خه‌لكێ و ده‌بارا ژیانا وان یا جڤاكی و سیاسی نه‌كن, هه‌ر وه‌ها بانگ ل جڤاكا ناڤده‌وله‌تی, رێخستنێن هاوارچوونێ, و مرۆڤی كر كو ل ئێش و ئازارا خه‌لكێ ڤه‌گه‌رن و ئالیكاریان پێشكێش بكن و ژیانا ب مه‌لیۆنان كه‌سان ژ هه‌ژاری و نه‌بوونێ رزگار بكن.
ئه‌مینداریا گشتی یا ئە‌نجوومه‌نا نشتیمانی یا كوردی ل سووریێ د داویا داخویانیا خوه ده ته‌كه‌ز كر كو بجیكرنا بریارێن ناڤده‌وله‌تی د دیتنا چاره‌یه‌كێ ژ پرسا سووری و دابینكرنا ئەوله‌كاری و ئاشتیێ ژ وه‌لاتیێن وێ ره, رێیا ته‌كانه, بۆ دانینا سینۆره‌كێ ژ تراجیدیا سووریێ ره یه.
ش.ع
1394
