عهفرین .. نهرخێ مازۆتێ گران بوویه ونهرخێ زهیتێ ئهرزان دبه
ژ بهر رهوشا تهڤلیههڤیێ یا داویێ و گهفێن توركیێ سهر رۆژهلاتێ چهمێ فراتێ ریێن كو سووتهمهنی تێره دهاتن عهفرینێ هاتن گرتن كو د ئهنجامدا مادهیا مازۆتێ ب شێوهیهكی بهرچاڤ بها وگران بوو و ئهو یهك باندۆرهكه نهرێنی سهر رێڤهچوونا دهمسالا زهیتوونان و وهرزێ زڤستانێ كر .
ل گۆر ژێدهرهكه تایبهت ژ عهفرینێ ژ ئاركێ ره دوه 8/11/2018 راگهاندیه كو كو بهابوونهك د مادهیا مازۆتێ ده چێبوویه یهك برمیل كو 200 لیتر تێده یه ژ 38 ههزار گهشتیه 60 ههزار لێرهێن سووری .
كو دهمسالا زهیتوونان پرانییا كارێ وێ ل سهر مادهیا مازۆتێ یه ب تایبهت گوڤاژگهه و كارگههێن بێرینێ و تهراكتۆر و ئۆتۆمبێلان ویهك گوڤاژگهه د 24 دهمژمێران ده 400 لێتر ئانگۆ 60 بهرمیل د یهك ههیڤێ خهرج دكه ژ بلی ئۆتۆمبێلێن ڤهگوههستنا كاركهران و بهرههمان
ژێدهری تهكهز كر و تهڤی مازۆت بهای بوویه لێ هین نهرخێ تهنهكهێن زهیتێ د جهێ خوه مایه و نها ب 14 ههزار تێ فرۆتن وئهو ل گۆر پێوهرێن ئهسیدێ وزهیتا ههری گونچاو ئانگۆ ژ ئهسهیدا پلا یهك كێمتر ناگهینه 15 – 16 ههزاران لێرهێن سووری .
دهربارێ نرخێ دن ژێدهرێ ئاماژه ب وێ یهكێ كر كو یهك غرامێ زێر گهشتیه 16.800 لێره كو بهریا ڤێ دهمێ 15 ههزاری بوو ونهرخێ دۆلار ب 470 لێره یه راوهستیه لێ نهرخێ كهسكاتی و فێكی د جهێ خوه ده مایه .
نهرخێ هن پێدڤیێن خوهرانێ
نان = 200-250 لێره یه
باجان وخیار = 250
گۆشت = 2.200
معدهنۆس = 25
سێڤ = 250
مۆز = 350
پرتهقال 15-200
بهریا نها ئالیێن بهرپرس یێن توركیێ بریارا قهدهغهكرنا تهنهكهێن زهیتێ ژ بۆ دهرڤهی عهفرینێ دهرخستبوو كو د ئهنجامدا نهرخێ زهیتێ گهلهك ئهرزان بوو و تهڤێ وێ یهكێ پرانییا خهلكێ نهچار دبن ب نهرخهكی ئهرزان بفرۆشن داكۆ نهێ دزین یان دهستهسهركرن .
ش.ع
458
