5 سال ژئالیێ PYD ڤه گرتییه
آرك نيوز .. چه‌كدارێن په‌یه‌دێ و رێڤه‌به‌ریا وان یا خوه‌سه‌ر ب ناڤێ نیازا پاك یان ده‌سپێشخه‌ریا مرۆڤی ته‌رۆریستێن داعشێ سه‌ربست بهرددن و ده‌هه‌مان ده‌مێ شه‌رێ وان ل دێرۆزێ و بۆكمالێ دكن لێ تا نها ب ده‌هان ژ سه‌ركرده‌یێن كورد وئه‌ندامێن پارتییان د زیندانێن وان ده بێ تۆمه‌ت گرتی نه و ژ وان پێنج سال سه‌ر وان ره ده‌رباس دبن لێ تا نها تو ئاگاهی و زانیاری ل سه‌ر وان تونه‌نه .
پارێزه‌ر ادریس علو چالاكاڤانێ سیاسی و ئه‌ندامێ كۆمیتا هه‌ریمێ یا پارتیا ده‌مقراتا كوردستانێ سووریا ئه‌ڤه پێنج سالن و ژئالیێ چه‌كدارێن په‌یه‌دێ ڤه گرتییه و تو دانپێدان ژ په‌یه‌دێ ده‌ربارێ گرتنا ناڤبووری ده ده‌رنه‌كه‌تیه
ادریس علو سالا 1968 ژ دایك بوویه ژ گوندێ دیكێ یێ ناڤچه‌یا راجۆ یه ل ناڤه‌ندا باژارێ عه‌فرینێ ل تاخا ئه‌شره‌فیێ دژییا ووه‌ك پارێزه‌ر كاردكر ژ ده‌سپێكا شۆره‌شا سووریێ ته‌ڤلی لڤ وته‌ڤگه‌را شۆره‌شی بوو له‌وما بوو ئارمانجا په‌یه‌دێ و د 8 /11/2013 گرووپه‌ك چه‌كدار سه‌ر ب په‌یه‌دێ ڤه ئیریش بر سه‌ر مالا وی وادریس علو بنچاڤ كر و ژ بۆ جهه‌كی نه دیار بر وتا نها نه‌دیار د ژیانێ ده یان ژ بۆ رێژیمێ هاتیه رادستكرن .
گه‌له‌ك هه‌ول ژ ئالیێ مالباتا وی ڤه هاتن دان داكو چاره‌نڤیسا وی دیار بكن لێ هه‌ولێن وان بێ ئه‌نجام بوون وبه‌رپرسێن په‌یه‌دێ د وان ده‌مان ده دانپێدان ب وێ یه‌كێ نه‌دكر ودگۆتن كو تو كه‌س ب ناڤێ ادریس علو ل جه‌م وان تونه‌یه .
ب ده‌هان ژ سه‌ركرده‌یێن كورد وئه‌ندام وئالیگرێن پارتیا ده‌مۆقراتا كوردستان سوریا و ئه‌نجومه‌نا نشتیمانی یاكورد ل سووریێ بێ سووج وگونه‌ه د زیندانێن په‌یه‌دێ ده گرتینه وبه‌ورڤاژی وێ یه‌كێ ناڤبه‌را هه‌ر ده‌م وده‌مكێ په‌یه‌دێ گرتیێن داعش و مه‌رتالا فراتێ و ئارتێشا ئازاد و گرووپێن توندراو سه‌ربست بهرددن و ل سه‌ر گرتنا وه‌لاتپارێزان و شرۆه‌ش گه‌ران هین رژدن وبه‌رداومن.
ش.ع
532
