كێربی: ئەمەریكا وێ هەبونا خوە یا لەشكەری لسوریێ بپارێزە

ارك نیوز.. بەرپرسیارەكی ئەمەریكی پلەبلند دبێژە ویلایەتێن یەكگرتیێن ئەمەریكا وێ هەبوونا خوە یا لەشكەری لسوریێ بپارێزە و ئەو ئامادەیە ژ پاراستنا وێ رە .

د كۆنگرەكی رۆژنامەڤانی دە جۆن كێربی هەڤریزكارێ ئستراتیجی د ئەنجومەنا ئەولەهی یا نەتەویا ئەمەریكی دە راگهاند كو ئەركێ هێزێن ئەمەریكی لسوریێ روبروبونا رێخستنا داعشا تەرۆیستە و ئەڤ ئەرك وێ بەردەوامبە و ئەمرێكا وێ هەبونا خوە یا لەشكەری لسوریێ بپارێزە

كێربی سەربار كر كو ئەم نكارن بێژن كو ئالیین دن ل دەڤەرێ هزرێ ل ڤێ هەبونێ دكە یان ژی وێ ب چ هەولێ رابن دڤێ دەربارێ لێ ئەمێ گەنگی و تەكەزیێ و بەردەوامیێ ب ئەركێ خوە د رووبرووبونا داعشا تەرۆریست دە لسوریێ بكن دناڤ دە گەرەنتیا پاراستنا لەشكەرێن ئەمەریكی لسوریێ و عراق و ل هەر جهەكێ ل جیهانی .

هەمان بەرپرسیارێ ئەمەریكی دا زانین كو دەما بووری دە هێزین ئەمەریكی لسوریێ و عراق راستی ئێریشان هاتبوون و مە بەرسڤا وان ئێریشان دا و د هن رەوشان دە بەرسڤا مە بلەز و گونجاو بوو و تەكەز كر كو ئەمەریكا وێ دڤێ ئستراتجیەتێ دە بەردەوامە و وێ روبروبویێ هەر ئێریشەكی ببە .

پێش وەخت بتایبەتی رۆژا ئینێ د كۆنگرەكی رۆژنامەڤانی دە ئیان مكاری جیگرێ شاندەیی تایبەت یێ هەڤپەیمانیا ناڤدەولتی یا لدژی داعشێ راگهاندبوو كو ئەركێ هێزین ئەمەریكی لعراق و سوریێ بشێوەیەكی مەزن هاتیە گوهەرتن و ئاماژە ب سۆزێن دارایی ب سەدێن مەلیۆنێ دۆلارێن ئەمەریكی ژبۆ پشتەڤانیا پرۆژەیان ل دەڤەرێ كربوو و دیار كر كو د قوناغەكێ دە و بتایبەتی د دەما هەبونا رێخستنا داعشێ هەڤپەیمانیا ناڤدەولتی دەست ب ئۆپەراسیۆنەكە لەشكەری كربو لێ ئەو قووناغ بداوی هات پشتی ژناڤبرنا داعشێ و گۆت هینژی ژمارەیەك مەزن ژ دۆزێن مرۆڤی لجەم مە هەنە لسوریێ و عراق پیویستە وەرنە چارەسەركرن .

هەر دڤێ دەربارێ دە بریارە رۆژا هەیشتێ مەهێ ئانگۆ رۆژا پێنشەما بێ ل ریادێ پایتەختا عەرەبستانا سعودیێ جڤینا وەزاری یا وەلاتێن هەڤپەیمانیا ناڤدەولتی یا لدژی داعشێ وەرە لدارخستن كو وێ ژ دەهێن وەزیرین دەرڤە یێن وەلاتێن ئەندام د هەڤپەمانیێ دە لخوە بگرە كو ژ هەیشتێ و پێنج ئەندامان پێك تێ .

لگوندەوارێ باژارێ حەسەكێ یێ رۆژئاڤایێ كوردستانێ بێهتر ژ حەفت بارەگەه و ناڤەندێن لەشكەری یێن ئەمەریكی هەنە سەرباری هەبوونا ژمارەیەك بارەگەهێن لەشكەری یێن ئەمەریكی لگوندەوارێ دێرا زۆرێ و بارەگەها التنف لباشورێ رۆژهەلاتێ سوریێ .

297