خه‌لاتا عه‌مه‌رێ له‌علێ بۆ هه‌لبه‌ستڤان سلێمان ئازه‌ر
كۆميته‌يا خه‌لاتا هه‌لبه‌ستڤانێ مه‌زن "رێنجبه‌ر" عه‌مه‌رێ له‌علێ, ب هه‌لكه‌فتا سالڤه‌گه‌را حه‌فتان يا كۆچباركرنا وي, كو رۆژا شه‌شێ مژدارێ يه, بريا ردا خه‌لاتا ئيسال بده هه‌لبه‌ستڤان سلێمان ئازه‌ر وه‌كه رێزگرتن ژبۆ رۆلا وي يا ره‌وشه‌نبيري و خزمه‌تا زمان و چاندا كوردي.
ئازه‌ر ژدايكبوويێ باژارێ قامشلۆ يێ رۆژئاڤايێ كوردستانێ سالا 1965انه, ژ سالا 2014ان ڤه ل باژارێ بۆخۆم يێ ئه‌لمانيايێ دمينه, ده‌رچوويێ په‌يمانگه‌ها چاره‌سه‌ركرنا ئاژه‌لانه.
ديوانه‌كه ئازه‌ر يا چاپكري بناڤێ Awazên kelokirî هه‌يه, و گه‌له‌ك ده‌ستنڤيسێن به‌رچاپێ ژي هه‌نه.
هه‌لبه‌ستڤان عه‌مه‌رێ له‌علێ خوه‌ديێ پێنج ديوانێن چاپكري يه:
Xem û sawêr –Çar çira –Tewafa yarê –Welat binase _ Evin û welat
هه‌روه‌ها گه‌له‌ك ده‌ستنڤيسێن له‌علێ هه‌نه هين نه‌هاتنه چاپكرن, د وارێن كلتور, هۆز و بابتنه دن ده‌ن.
هه‌لبه‌ستێن له‌علێ ژ ئاليێ گه‌له‌ك هونه‌رمه‌ندان ڤه هاتنه ستراندن, مينا محه‌مه‌د شێخۆ, مه‌حموود عه‌زيز شاكر, سه‌عيد گاباري, كنعان شێخۆ, بلند ئبراهيم, ژ وان:
Xem û xeyalê - Ey lê gulê gula minê - Yarek min heye bi navê jîn e
كۆميته‌يا خه‌لاتا رێنجبه‌ر ژ هه‌ر يه‌ك ژ خۆرشيد شۆزي, نارين عومه‌ر و هشيار له‌علێ پێك تێ.
498
