عه‌فرین .. هه‌لمه‌تا ده‌رزی لێدانا زارۆكان ده‌سپێكریه
آرك نيوز .. ل ناڤه‌ندا باژارێ عه‌فرینێ و ناڤچه وگوندێن وێ هه‌لمه‌ته‌ك به‌رفه‌ره ژ بو ده‌رمان پێدان وده‌رزی لێدان زارۆكان ده‌سپێكریه .
ل گۆر ژێده‌ره‌كه تایبه‌ت ژ ئاركێ ره راگهاندیه كو هه‌لمه‌تا ده‌رمان پێدانا نه‌خوه‌شییا سۆركێ كو پێتر زارۆك راستی وێ نه‌خوه‌شیێ تێن ژ رۆژا شه‌میێ 3/11/2018 ده‌سپێكریه وتا رێكه‌فتا 19/11 ان وێ به‌رده‌وام به وئه‌و هه‌لمه‌ت ب هه‌ماهه‌نگی ناڤبه‌را ئه‌نجومه‌نێن خوه‌جهی و تێما ده‌رمان پێدانا سووریێ ده‌سپێكریه وێ هه‌موو تاخێن باژێر و گوند وێ ل خوه بگره.
هه‌لمه‌تا ده‌رمان پێدان وده‌رزی لێدانا زارۆكان ل گۆر پێوه‌رێن رێخستنا ته‌ندروستیا جیهانی یه و ژ ئالیێ رێخستنا یونیسیف یا تایبه‌ت ب زارۆكان هاتیه پێشكێش كرن وزارۆكێن ژ شه‌ش سالی تا 15 سالێ وێ سوودێ ژێ ببین.
ژێده‌رێ هه‌روه‌ها دازانین كو ژ بلی وێ یه‌كێ ناڤه‌ندا ئایدا بی ئێس جی ل ناڤه‌ندا باژارێ عه‌فرینێ هاتیه ڤه‌كرن و ئه‌و ژی ژبۆ پێدانا ده‌رمانا گشتی ژ بۆ نه‌خوه‌شیێن جۆر ب جۆره كو ل تاخا ئه‌شره‌فیێ یه وئه‌و دێ ب شێوه‌یه‌كێ به‌رده‌وام كار بكه .
ل گۆر ئاگاهییان و رووپه‌لێن ئه‌نجومه‌نێن خوه‌جهی كو سه‌رۆكێن ئه‌نجومه‌نان ب خوه به‌شداری د ڤێ هه‌لمه‌تێ ده دكن وسه‌رپره‌شتیا چاوانییا برێڤه‌چوونا كارێ وان دكن
ژ به‌ر شه‌رێ كو هاتیه سه‌رێ عه‌فرینێ پرانییا ده‌زگه‌هێن فه‌رمی ژ كار هاتبوو خستن وناڤه‌ندێن ته‌ندروستێ یه‌ك ژ وان ده‌زگه‌هان بوو لێ هێدی هێدی ژیانا سه‌روشتی ب ڤینا خه‌لكێ عه‌فرینێ ڤه‌دگه‌ره وه‌كه به‌رێ وئێدی پێدڤیێن رۆژانه تێنه دابینكرن .
ش.ع
504
