19 سال سهر كۆچا داوییا هونهرمهند عدنان دلبرین ره دهرباس دبن
هونهرمهندێ چیاێ كورمێنج هونهرمهند عدنان دلبرین ژ هونهرمهندێن ب رۆل و باندۆر ل سهر هونهرا عهفرینێ و رۆژئاڤایێ كوردستانێ كریه كو باندۆرا وی نه كێمتره ژ هونهرمهندێن چیاێ كورمێنج وهك جمیل هۆرۆ و باڤێ سلاح و محمد علی تجو .
عدنان دلبرین سالا 1956 ل گوندێ دێرسوانێ یێ ناڤچهرا شهرا ژ دایكبوویه بچووكانییا خوه ل گوند دهرباس كر و ب ستران ڤه هات گرێدان و گهلهك ستران وی ژ نڤیسا وی نه .
لهشكهریا خوه یا نهچار ل باژارێ قامشلۆ كر وپشتی وی 1979ان ژیانا ههڤژینیێ پێك ئانی و ژبهر تونهبوونا كار ل گوند نهچار بوو بهرێ خوه بده حهلهبێ و ل وێ دهرێ ژیانا هونهری ب فهرمی دهست پێ كر نهخاسم پشتی مالا خوه فوگوهست خولهكه راهینانێ .
عدنان دلبرین گهلهك سترانێن فلكلوری ڤهژاندنه وهك زێنب و عیشا ایبێ وسترانێ وی یێن نهتهوێ ژی ههنه لێ پرانییا سترانێن وی ئهڤینی نه وههشت كاسیت تۆماركرنه.
وگهلهك سترانێن وی سهر ئاستا چار پهرچێن كوردستانێ بهلاڤبوونه وهك سترنا عهفرین هاتۆ كو بوویه وهك سونبل ودروشما ناسنامهیا عهفرینێ وژ ئالیێ هونهرمهندێن كوردستانێ ڤه هاتیه گۆتن ههروهها سترانا ههربجی دیار بكر وسودا سودا.
سالا 1999 ب ڤهخوهندهكه فهرمی بهرێ خوه دا ئهلمانییا و د ئاهانگان ده بهشدار بوو پشتره ژ بۆ یۆنانێ هاته ڤهخوهندن لێ قهدهرا وی ئهو بوو كو داوی ب ژیانا وی وهره ود وێ ئاهانگێ ده بهشدار نهبوو .
خلیل ئارمانج عفرین ژئاركێ وهها سهر هونهرمهند دلبرین گۆت : دهنگ وڤهدهنگا دلبرین نه كێمتره ژ ههنهرمهندێن دن یێ عهفرینێ وهك باڤێ سلاح محمد علی تجۆ جمیل هۆرۆ رشید حم گلین علی ابو ایسكا وحج نازی وعبدی شعری واومر جملو وباندۆرا وی گهلهك سهر هونهرا كوردی ههیه و هێڤێ كر كو كهسێن سترانێن وی دبێژن ب ناڤ بكن داكو سترانێن عدنان دلبرین وهونهرا وی وهندا نهبه ".
ناسناڤا وی موسی یه لێ ناڤێ دلبرین چیرۆكه خوه یا تایبهت ههیه ل گۆر ههڤژینا دلبرین راگهاندیه كو دهما د لهشكهریا نهچار ده خهبهر ژێره چوو كو دایكا وی ژیانا خوه ژ دهست دایه لێ د دهستپێكێ ده باوهر نهكر پشتره دهما بهرێ خوه دا گوندێ خوه دیت كو خهبهر راسته سهر گۆرا دایكا خوه و دا گری ژ وێ دهمێ ده ناڤ ل خوه كر دلبرین .
4/11/1999 دهما ل ئاهانگهكێ ل كفرجنه یێ عهفرینێ ڤهدگهریا حهلهبێ ل سهر ریا حهلهبێ ل گهل برا وكورێ خوه ره راستی روودانهكه هاتووچوونێ هات د ئهنجام ده ژیانا خوه ژ دهست دا .
ب دهه ههزاران ژ حهسكریێ وی د مهراسیمێن ب خاك سپارتنا وی ل گوندێ دێرسوانێ یێ ناڤچهیا شهرا یا عهفرینێ بهشداركرن .
تا رۆژا وهكه ئیرۆ هژمارهك مهزن ژ هونهرمهندێن كوردستانێ وهك بهیتوجان خیرۆ عباس فاتێ ئالین حكمت جمیل سترانێ وی دبێژن .
ش.ع
.
619