دوو سال سه‌ر شه‌هیدبوونا پێشمه‌رگه سلیمان سعید ره ده‌رباس دبن
دكتۆرێ پێشمه‌رگه سلێمان سعید چرۆكایا د بيست و شه‌شێ مه‌ها ده‌هان 26/10/2016 ده‌ما ب كارێ خوه یێ نه‌ته‌وی ونشتیمانی د بووچكرن وراككرنا ماینێن رێخستنا داعشێ یا ته‌رۆری ل هه‌رێما كوردستانێ ردابوو مایینه‌ك ب وی ده ته‌قییا وب گرانێ بریندار بوو .
ل گوندێ تیسخرابا مه‌زن ل میحوه‌را بعیشقه یا هه‌رێما كوردستانێ د رۆژا چارشه‌مێ ده ده‌ما ب ئاركێ خوه د پووچكرنا مایێن كو رێخستنا داعشێ یا ته‌رۆری ل ور چاندبوون ، رادبوو ، بوو قوربانییا ته‌قینا مایینه‌كێ، ویه‌كسه‌ر ب ریا هۆلیكوبتره‌كه تایبه‌ت ژ بۆ باژارێ هه‌ولێرێ هاته ڤه‌گوهه‌ستن و ژ هه‌ولێرێ ژ بۆ وه‌لاتێ ئه‌لمانیاێ داكۆ چاره‌سه‌ریا خوه یا ته‌ندروستی ببینه هاته شاندن .
ته‌ڤێ هه‌ولێن به‌رده‌وام ژ بۆ دیتنا چاره‌سه‌ریه‌كێ لێ ژ به‌ر گرانییا برینێن وی ل نه‌خوه‌شخانه‌یه‌كه ئه‌لمانیاێ ژیانا خوه ژده‌ست وشه‌هیدبوو و د 30 مه‌ها 10 2016ان شه‌هیدبوونا دكتور سلێمان سعید هاته راگهاندن .
دكتۆرێ پێشمه‌رگه سلێمان سعید چرۆكایا ژمالباته‌كه كورده خه‌لكێ باكور كوردستانێ یه وژیانا خوه ل وه‌لاتێ غه‌ریبیێ ل ئه‌لمانییا ده‌رباس كربوو و ده‌ما شه‌رێ رێخستنا داعشێ یا ته‌رۆه‌ی د سالا 2014ان هاتیه سه‌ر هه‌رێما كوردستانێ دكتۆر وه‌كه خوه‌بخش ته‌ڤلێ هێزێن پێشمه‌رگه كر داكۆ باژارێن ژ رێخستنا داعشێ دووبارا كه‌تنه ده‌ستێ هێزێن پێشمه‌رگه ده ژ مایینێن كو هاتنه چاندن باك بكه داكو خه‌لكێ سڤیل كاربن ب سه‌ربست ڤه‌گه‌رن سه‌ر مال وملكێن خوه .
دكتۆر سلێمان سعید ته‌ڤی پووچكرنا ب هه‌زاران ماینێن رێخستنا داعشێ لێ قه‌ده‌را وی ئه‌وبوو كو ببه قوربانییا ته‌قینا مایینه‌كێ و ل وه‌لاتێ خوه ل باكورێ كوردستانێ ب خاك هات سپارتن .
ش.ع
638
