مسلم محمد: دیمستورا د ئەركێ خوە دە سەرنەكەفت

سەركردەیەكی پارتیا دیقراتا كوردستان سوریا ئەشەكرە كر كو شاندەرێ ناڤدەولتی ژبۆ سوریێ كاریبوو گاڤێن باش ژبۆ چارەسەركرنا كریزا سوریێ باڤێژە لێ ژبەر دروستكرنا كێشەیێن روسی ئەمەریكی نەچار بوو ب ئاوایەكی نەچاڤەرێكری دەست ژ كاركشاندنا پۆستا خوە بكە .

د لێدوانەكە تایبەت دە ژبۆ ئاركی مسلم محەمەد ئەندامێ پۆلیتبیرۆیا چارتیا دیمقراتا كوردستان سوریا راگهاند كو یەك ژ گرنگترێن كارێ كو ستیڤان دیمستورا شاندەرێ ناڤدەولتی ژبۆ سوریێ پێ رابوویە ژبۆ چارەسەركرنا كریزا سوریێ ئەوە ئەنجامدانا دانوستاندنێن گرێدایی ب بریارا ئەنجومەنا ئەولەهیا ناڤدەولتی بیست ودد پینجی وچار بتایبەتی چالا دووازە و سێزدە وچاردە هەروەها دیمستورا كار لسەر دۆسەیا ئاڤاكرنا كۆمیتەیا دستوری كو تا نها د قوناغا ئامادەكرنێ دەیە ..

مسلم محەمەد هەروەها سەربار كر كو ژ دەما كو دیمستورا دۆسەیا سوریێ راستی گەلەك ئاستانگیان ژ ئالیێ وەلاتێن زل هێزڤە بتایبەتی ئاستانگیێن ئەمەریكی وروسی هات ژبەر ڤان ئاستانگیان دیمستورا نەچار بوو ئاگهداری فەرمانێن ئەمەریكی و روسی وەرە و دەما دەست ژ كاركشاندنا خوە ژ پۆستا خوە راگهاند .

ئەندامێ پۆلیتبیرۆیا دیمقراتا كوردستان سوریا گۆت كو دیمستورا بوو سەدەم كو كریزا سوریێ بداوی نەیێ ژبەر درستكرنا پلاتفۆرمان دناڤا ئۆپۆزسۆنێ دە كو بوو سەدەما پەرچەكرنا ئۆپۆزسیۆنێ دە و ئەڤ پەرچەبوون كەتە بەرچەوەندیا رێژیما سوریێ دە ژبەر نەبوونا هەلوێستێن سیاسی و هەولێن هەرێمی و ناڤدەولتی ژبۆ دیتنا چارەسەریەك سیاسی ژ كریزا سوریێ رە .

دەرباری چارەسەریا لەشكەری و رۆلا دیمستورا دڤی واری دە مسلم محەمەد گۆت ژبەر كو دیمستورا توو بژاردەیێن بهێز ژبۆ چارەسەركرنا كریزا سوریێ پێشكیش نەكرن و پەرچەبوونا ئۆپۆزسیۆنێ و لاوازیا هەلوێستێن ناڤدەولتی ، رێژیما ئەسەد و هەڤپەیمانێن وێ ئەڤ رەوش ئستغلال كر و د دەسپێكا سالا دوو هەزار و شازدەهان دە لسەر حەسابێ ئۆپۆزسیۆن و گەلی سوریێ سەركەفتنێن مەزن ب دەست خوەڤە ئانی .

437