د.عهبدولحهكيم بهشار: رێژهيا كوردان ل باكورێ رۆژهلاتێ سوريێ بوويه 25%
دكتۆر عهبدولحهكيم بهشار ئهندامێ پۆليتبيرۆيا پارتيا ديموقراتا كوردستان-سوريا گۆت كو رێژهيا كوردان ل باكورێ رۆژهلاتێ سووريێ بوويه 25% و ئهو يهك مهترسيهكه مهزنه ل سهر كوردان.
بهشار د سهمينارهكێ ده, ل ههولێرا پايتهختا ههرێما كوردستانێ رۆژا شهميێ 20.10.2018ان گۆت: "تشتا كو ل باكورێ رۆژهلاتێ سووريێ روودده, و تشتا كو پ ي د پێك تينه, مهترسيهكه مهزنه".
بهشار سهرباركر: "باكورێ رۆژهلاتێ سووريێ ژ سێ پارێزگههان پێك تێ, حهسهكێ, رهقا و دێرازۆرێ, و رێژهيا كوردان ل وێ ناڤچهيێ تهنێ 25%, و ئهگهر ئهو رهوش هات چهسپاندن, وێ مهترسيهكه مهزن ل سهر كوردان دوروست بكه"
بهشار ئاماژه كر كو نها هێز ل وان ناڤچهيان د دهستێ پ ي د ده يه, و ئهو كۆنترۆلێ دكه, لێ د ههمان دهمي ده, ئاليێن دن ژي هێزێن خوه ئاڤا دكن, و دێ "كؤنترۆل ژ دهستێ كوردان دهركهڤه, ئهگهر ئهم بێژن پ ي د پارتيهكه كوردي يه".
دكتۆر عهبدولحهكيم بهشار بهحسا مهترسيێن كێمبوونا رێژهيا كوردان بۆ 25% كر, نهخاسم ئهگهر رێفراندۆم يان هلبژاتن وهرن ئهنجامدان, كورد دێ د "كهڤيێ" ده بن, و گۆت پ ي د گهلهك كێشهيێن مهترسيدار ژ كوردان ره دوروست كرنه, مينا چوونا منبج, رهقا و دێرازۆرێ, ههروهها دژمناتيهك ناڤبهرا كورد و عهرهبان ده پهيداكر, و ئهو يهك قهت تو خزمهتا بهژوهنديێن كوردان ناكه.
900