سیامەند حاجۆ: پ ي د ھەول ددە تەڤلی کوالسیۆنا ئۆپۆزسیۆنا سووریێ ببە

سەرۆکێ شەپێلا پێشەرۆژا کورد ل سووریێ، سیامەند حاجۆ ئەشکەرە کر کو پ ي د ھەول ددە تەڤلی کوالسیۆنا نشتیمانی یا ئۆپۆزسیۆنا سووریێ ببە، لێ کوالسیۆن وێ ناپەژرینە.

د بەشداریەکە خوە د بولتەنا ئارکێ دە، دوھ ١٩.١٠.٢٠١٨ان حاجۆ رەخنە ل ئالیێن کو بانگ ل ئەنجومەنا نشتیمانی یا کوردی ل سووریێ دکن کو یەكرێزیێ ب پ ي د رە پێک بینە، گرت و گۆت: "تو داخوازا یەکرێزیێ ب پارتیەکێ رە دکی کو بوو سەدەما کۆچبەریا مەلیۆنەک کوردێن سووریێ ژ وەلاتێ خوە، ب سەدان چالاکڤان کوشتنە، ب ھەزاران کرنە زیندانێن خوە، چاوا تو دێ یەکرێزیێ ب پارتیەکە وەھا رە بخوازی".

حاجۆ ئاماژە ب وێ یەکێ کر کو قەت ئەنکسه‌ و پ ي د نابن وەکە ھەڤ، یەک دەستھلاتە، زیانێ ل خەلکێ دکە، سیاسەتەکە خراب ل دژی بەرژەوەندیا گەلێ کورد ل سووریێ برێڤە دبە، ئالیێ دن گرتن پێک نەئانیە، گرووپەک ژ پارتیانە، ب شێوەیەک ژ شێوەیێن دیموقراتیێ کار دکن، و بانگا دیموقراتیێ دکن.

د بەرسڤا پرسیارەکێ ل سەر دانینا پ ي د وەکە مەرج ل پێش ئەنکسه‌ کو ژ کوالسیۆنێ ڤەکشە تا یەکرێزیێ پێ رە بکە، حاجۆ ئەشکەرە کر کو پ ي د دخوازە تەڤلی کوالسیۆنا نشتیمانی یا ئۆپۆزسیۆنا سووریێ ببە و ب کەسایەتنە ئۆپۆزسیۆنێ رە ژ بۆ وێ مەبەستێ دجڤە، لێ کوالسیۆن وێ یەکێ ناپەژرینە ژ بەر نێزیکبوونا پ ي د ژ رێژیمێ رە، و گۆت ئەگەر ئەنکسه‌ ژ کوالسیۆنێ ژی ڤەکشە، پ ي د یەکرێزیێ ب ئەنکسێ رە پێکناینە.

حاجۆ داخواز ژ ئەنکسه‌ کر کو نە تەنێ مەرجێ سەربەستبەردانا گرتیان و ڤەکرنا ئۆفیسان ژ بۆ تێکلیێ ب پ ي د رە دەینە، و گۆت گەرەک ئەنکسه‌ داخوازا جودابوونا پ ي د ژ پ ك ك ژی وەکە مەرج بکە.

699