عه‌فرین .. ئاگر هه‌شت ده‌مژمێران ڤێكه‌تیبوو
ئاگره‌ك ب هێز بدارستانێن ناڤهندا باژارێ عه‌فرینا رۆژئاڤایێ كوردستانێ كه‌ت وزیانه‌ك مه‌زن گهاند دارێن مه‌رخان باژێر.
ل گۆر دیده‌ڤانه‌كی ژ بوویه‌رێ ره ژ ئاركێ ره راگهاند كو دوه 19/10/2018 ب شه‌ڤێ ده‌ردۆرا ده‌مژمێر هه‌شتێ ئیڤاری ئاگره‌ك ب هێز بدارێن تاخا مه‌حموودیێ ژ ئالیێ بازارا باز ڤه كه‌ت هه‌روه‌ها ل جهه‌كه‌ن دن ل سه‌ر ریا گوندێ عێندارێ ل نێزیك گۆرستانا كه‌رسانێ كو بدارستانێن كارسانێ تێ ناسكرن كه‌ت.
وی دیده‌ڤانی كو نه خوه‌ست ناڤێ وی وه‌ره ئه‌شكه‌ره‌رن ته‌كه‌ز كر كو د ده‌سپێكێ ده ئاگر ل دارێن كه‌رسانێ هات ڤێخستن پشتره ل دارێن مه‌حموودیێ ئاگر هاته ڤێخستن وته‌ڤی ده‌رباسبوونا چه‌ند ده‌مژمێران ئاگر فێكه‌تیبوو وئالیێن به‌رپرس تو لڤ وته‌ڤگه‌ر ژبۆ ڤه‌مراندنێ نه‌كرن.
ژ ئالیێ خوه ڤه ژێده‌ركه ئاگاهدار تایبه‌ت ئیرۆ راگهاند كو ئاگر ده‌ردۆرا هه‌شت ده‌مژمێران ڤێكه‌تیبوو وزیانه‌ك مه‌زن گهشت دارێن مه‌رخان یێن ناڤهندا باژارێ عه‌فرینێ وته‌ڤی خه‌مسارییا ئالیێن به‌رپرس تا نها تو لێكۆلین و وڤه‌كۆلین ده‌ربارێ وێ یه‌كێ نه‌هاتیه ڤه‌كرن.
ژ ده‌سپێكا ده‌رباسبوونا گرووپێن چه‌كدار ژ ناڤ عه‌فرینێ و ب سه‌د هه‌زاران ژ دارێن مه‌رخان وزه‌یتوونان ودارێن چیایێ یێن ناڤهندا باژێر وگوندێن وێ هاتنه شه‌وتاندن وبرین ل ل گۆر وه‌لاتیێن عه‌فرینێ كو ئه‌و دار تێنه شه‌وتاندن داكو كاربن ببرن و ژ خوه ره بفرۆشن به‌ریا نها ناڤهندا ئدلب یاراگهاندنێ راپۆرته‌ك به‌لاڤكربوو تێده وه‌لاتیێن عه‌رب یێن ئدلبێ داپێدان ب وێ یه‌كێ كربوون كو داران ژ عه‌فرینێ ژ وان دبرن وئه‌و ژی ل ئدلبێ دفرۆشن .
دارێن ناڤهندا باژارێ عه‌فرینێ ل سه‌ر سێ به‌شانه به‌شا هه‌ری مه‌زن ژ تاخا زیدیێ تا مه‌حموودیێ تا دگهینه گوندێ تل ته‌ویلێ ل خوه دگره به‌شا دوویه‌م ل باكورێ عه‌فرینێ نه ل جه‌م چه‌ما عه‌فرینێ ل سه‌ر ریا گوندێ عێندارێ نه كو نه‌هێنیا جوانییا باژارێ عه‌فرینێ د وان داران ده بوو وئیرۆ ل پێش چاڤێن رێخستنێن پاراستنا ژینه‌گه‌ه تێنه شه‌وتاندن بێ كو سینۆرك ژ تاوه‌نباران ره وه‌ره دایین .
ش.ع
708
