ئه‌مه‌ريكا 100 مليون دولار ژ بو ده‌ڤه‌رێن رزگار كرى ژ داعشێ ل سووريێ ته‌رخان كر
پشتی سه‌ره‌دانا وه‌زیرێ ده‌رڤه یێ ئه‌مه‌ریكا ژ بو وه‌لاتێ سعودیێ گه‌له‌ك ئه‌رمانجێن ئه‌مریكی بجه هاتن یه‌ك ژ وان ژی بده‌ستخستنا سه‌د ملیون دولار ژ سعودیێ ژ بو ئاڤاكرنا ده‌ڤه‌رێن رێزگاركری ژ داعشی ل سووریێ .
روژنامه‌یا نیویورك تایمز یا ئه‌مریكی دیار كر كو سعودیێ سه‌د ملیون دولارێ كو سعودیێ سوز دابو كو پێشكێشی ئه‌مه‌ریكا بكه ژ بو ده‌ڤه‌رێ رێزگاركری نه‌ها ل به‌ر ده‌ستێ ئه‌مه‌ریكا یه .
روژنامه‌یا ناڤبوری سه‌رباكر وگوت شاندنا سعودیێ ژ ڤان پاره‌یان ره ژ بو ئه‌مه‌ریكا تێ هه‌ڤده‌می سه‌ره‌دانا وه‌زیرێ ده‌رڤه یێ ئه‌مه‌ریكا ژ بو سعودیێ ژ بو گفتوگوكرنا مژارا وندابونا روژنه‌مه‌ڤانێ سعودی جه‌مال خاشه‌قجی كو ل گوری روژنامه‌یێ ئه‌ڤ پاره هاتن شاندن ژ بو وه‌رگرتنا بێ ده‌نگیا ئه‌مه‌ریكا ده‌ربارێ مژارا روژنه‌مه‌ڤانێ ناڤبوری .
لێ برێت ماكگورك شانده‌رێ سه‌روكێ ئه‌مه‌ریكی ژ بو هه‌ڤپه‌یمانیا ناڤده‌وله‌تی یا لدژی داعشێ ته‌كه‌ز كر كو ئه‌ڤ پاره گهشتن ئه‌مه‌ریكا ل گوری رێكه‌فتنه‌كه گه‌ڤن كو دناڤبه‌را ئه‌مه‌ریكا وسعودیێ د ته‌باخا بوری ده هاتبو ئیمزه‌كرن ژ بو پشتگریا ئه‌لوه‌هیا سووریێ وتو په‌یوه‌ندیا وێ ب مژارێن دن ڤه نینه .
هه‌ر ل گوری كو روژنامه‌یا ئه‌مریكی به‌لاڤ كریه كو ئه‌ڤ پاره وێ وه‌رن ته‌رخان كرن ژ بو چه‌كدارێن سوریایا دیموقراتیك یێن ب سه‌ر په‌یه‌دێ ڤه نه كو نه‌ها شه‌رێ داعشێ ل دیرا زورێ دكن كو ئه‌ڤ ئالیكاری مه‌زنترین ئالیكاریه ژ بو چه‌كدارێن سووریایا دیموقراتیك ژ ده‌ستپێكا شه‌رێ داعشێ .
چه‌كدارێن سووریایا دیموقراتیك كو ب سه‌ر چه‌كدارێن په‌یه‌دێ ڤه نه شه‌رێ داعشێ ل سووریێ ب ئالیكاریا هه‌ڤپه‌یمانیا ناڤدده‌وله‌تی دكن كو د ئه‌نجام ده ب هه‌زاران جوانێن كورد بون قوربانێ د به‌ر باژارێن عه‌ره‌بی مینا باژارێن ره‌قا ودێرا زورێ ومنبج وگه‌له‌ك باژارێن دن .
424
