به‌شار ئه‌مين بانگا دانوستاندن و يه‌ك هه‌لوه‌ستێ ل په‌يه‌دێ دكه
ئه‌ندامێ ئوفیسا سیاسی یا پارتی دیموقراتی كوردستان سووریا راگهاند كو پیویسته په‌یه‌دێ گرتێن مه سه‌ربه‌ست به‌ه‌رده وئوفیسێن پارتیێن مه ڤه‌كن هه‌تا ئه‌م بكارن ژ پێشه‌روژێ ره ئامه‌ده بكن .
ئه‌ندامێ ئوفیسا سیاسی یا پارتی دیموقراتی كوردستان سووریا وبه‌رپرسێ ئوفیسا راگهاندنێ ئا ئه‌نجومه‌نا نشتمانی كورد ل سووریێ به‌شار ئه‌مین ب ریا ئاركێ ره بانگ ل په‌یه‌دێ كر كو وه‌ره گفتوگویێ بكه ب ئه‌نجومه‌نا نشتمانی یا كورد ل سووریێ ره بكه وه‌كو ئامه‌ده‌بونه‌كێ ژ قوناغا بێ ره ژ به‌ر كو ئه‌ڤ قوناغ گرنگه .
ئه‌مین هه‌روه‌ها سه‌رباركر وگوت كو مه‌ترسی هه‌یه كو ئه‌مریكی وتورك بگهێن رێكه‌فتنه‌كی بتایبه‌ت پشتی سه‌ربه‌ست به‌ردانا قسێ ئه‌مریكی هه‌روه‌ها هه‌ولێن رێژیم وتوركیێ ژی هه‌نه ژ بو لهه‌ڤهاتنه‌كێ یان نیزیكبونه‌كێ كو بگوتنا ئه‌مین ئه‌ڤ نیزیكبون وێ ل سه‌ر حسابێ تشتێن دن به د ده‌ڤه‌رێ ده .
ئه‌مین هه‌روه‌ها ئه‌شكه‌ره كر كو راسته ئه‌م وه‌كو كورد پشتا خوه ب ئه‌مه‌ریكا بهێز دكن هه‌روه‌ها ئوپوزسیونا سووریێ ژی لێ رێژیما سووریێ دخوازه رێگریێ ل هه‌می نیزیكبونێن ئالیێن كو ئه‌مه‌ریكا پشتگریا وان دكه بكه .
ده‌ربارێ پێشه‌روژا ده‌ڤه‌رێ وهه‌بونا ئه‌مریكی د ده‌ڤه‌رێ ده ئه‌مین دیار كر كو روژهلاتێ فه‌راتێ وێ بمینه , هه‌روها وێ فایله‌ك گرنگ به د پێشه‌روژێ ده وبالكشاند سه‌ر وێ یه‌كێ كو ئه‌مه‌ریكا خوه ژ ده‌ڤه‌رێ بگشتی وروژهلاتێ فه‌راتێ بتایبه‌ت ناكشینه .
605
