ئهڤه چار سالن جوانهكى رۆژئاڤايێ كوردستانێ د لهشكهريا رێژيما سووريێ ده وهندايه
پشتى كو شۆرهشا سووريێ دهستپێكر سالا دو ههزار و يازدههان وتا وهكه ئيرۆ ب سهدان جوانێن كورد يێن رۆژئاڤايێ كوردستانێ د لهشكهريا رێژيما سووريێ ده وهندا شههيد تهرۆر بوونه د چارچۆڤهيا گوههرتنێن كو شۆرهشێ دهرخستنه هۆلێ و ژ سهدهمێن جودا جودا وهك رهدكرنا بريارێن فهرماندهيێن لهشكهرى يێن رێژيمێ بكوشتنا سڤيلان ئانگۆ ههوولێن ڤهقهتاندنێ و گهلهك ژ وان جوانان پێوهندي ل گهل وان هاتنه برين و چارهنڤيسا وان نهدياره .
ئهڤه چار سالن جوانهكى رۆژئاڤايێ كوردستانێ د لهشكهريا رێژيما سووريێ ده پێوهنديا مالباتا وى پێ ره هاتيه برين و ژ وێ دهمێ ڤا تا نها تو زانيارى ل سهر تونه يه .
جوانێ كورد يێ بناڤێ دژوار حسێن عوسمان لهشكهريا رێژيما سووريێ ل پارێزگهها گوندهوارێ شاما پايتهختا سووريێ ل فرقهيا دههان يا ل دهڤهرا قهتهنا سالا دو ههزار و چاردههان دكر ژ رۆژا ههشتێ مهها يازدههان ڤه پێوهنديا مالباتا وى پێ ره هاتيه برين و ژ وێ دهمێ ڤا تا نها تو زانيارى ل سهر تونه نه و چارهنڤيسا وى نهدياره .
ل گۆرى كو ژێدهرهكێ ژ مالباتا وى ژ رێباز ره ئهشكهرهكر عوسمان د ههمان رۆژێ ده د رێيا تهليفۆنێ ده پێوهندى ل گهل مالباتا خوه كربوو و ژوان ره گۆتبوو كو رێژيمێ بهرێ وا دايه شهرێ تهبقايێ ئوو پێوهندى بوو داويترين پێوهندى كو مالباتا دژۆار دهنگێ وى كر .
دژوار حسێن عوسمان ژ گوندێ باكروانێ يا سهر ب ناڤچهيا ئاليان ڤه يه و ژداييكبوويێ سالا ههزار و نهه سهد و نۆتيه .
مالباتا دژوار دپێلا پهنابهريێ يا كوردێن رۆژئاڤايێ كوردستانێ ده بۆ ههرێما كوردستانێ ل كامپا دۆميز يا پهنابهرێن رۆژئاڤايێ كوردستانێ نشتهجيبوونه .
ب ههزاران جوانێن رۆژئاڤايێ كوردستانێ د ساليێن بهوورى ده ژلهشكهريا رێژيما سووريێ يا نهچار و ژبهر كريارێن وێ دژى ملهتێ سووريێ رهڤيانه و ب سهدان جوان وهندا نه و مالباتێن وان نزانن ئهگهر هين لهشكهريارێژيمێ دكن يان ژى زندان كرينه ودلێ وان بكوله ببرينه بهێڤيا كو رۆژهكێ دهنگێ زارۆيێن خوه بكن دل و جان و چاڤێن وان بهندهوارن .
1508
