محمد علی: تشتەك بناڤێ پرسا كوردی وفدرالیێ د نەرینا رێژیما سووریێ دە نینە
پشتی راگهاندنا وەزیرێ دەرڤە یێ رێژیما سوریێ ولید المعلم كو پشتی چارەسەركرنا كریزا ئدلبێ وێ ئارمانجا وان رۆژهلاتێ چەمێ فراتێ بە ودڤێ هەموو هۆز و كوردێن ل وێ دەڤەرێ بریارا خوە بستینن ژبۆ پێشەرۆژێ وگۆت ئەگەر كوردرژدبن ب نێزیكبوونا خوە ب ئەمەریكایێ رە د وێ دەمێ دە وێ دان وستاندن لگەل وان تەنێ دەرباسكرنا دەمێ بە .
لسەر ڤێ بابەتێ و بتایبەتی داخویانیا ئەلمعلم ئەندامێ پۆلیتبیرۆیا پارتیا دیمقرالتا كوردستان سوریا گۆت كو لگۆری سیاسەتا رێژیما سوریێ یا بەری وتا نها دۆزا كوردی ئانگۆ دۆزا گەلێ كورد لسوریێ تونەیە حەتا كو وەزیرێ دەرڤە یێ رێژیما سوریێ ولید المعلم دانتپێدانێ ب فدرالیەتێ ل رۆژهلاتێ چەمێ فراتێ بكە لێ تەنێ سیاسەتا وێ ل همبەر كوردان تەنێ د چارچۆڤەیا وەلاتی بوونێ دەیە لسورییێ .
محمد علی ئەندامێ پۆلیتبیرۆیا پارتیا دیمقراتا كوردستان سوریا ژ مالپەرا پە دە كەسێ رە را راگهاند كو لگۆری دستورا سوریێ یا سەراستكری د سالا دووەزار و دوازدەهان بتایبەتی سەراستكرنیێن گرێدایی ب رێڤەبەریێن خوجەهی لسەر ئاستا سوریێ بگشتی و دانا وێ ژ هن دەسهلاتێن نە گرنگ كو ئەگەر هەیە كورد ژی سوودێ ژ وەرگرن مینا وەلاتی بوونێ و تەنێ رێژیم ڤێ بژاردەیێ پیشكێش دكە لسەر كورێن رۆژئاڤایێ كوردستانێ وەكو چارەسەریەك ژ دۆزا گەلێ كورد لسوریێ .
علی هەروەها وسەربار كرو گۆت كو پارتیا یكیتیا دیمقراتیك پە یە دێ ب هەزاران جوانێن كورد ل دەرڤی دەڤەرێن كوردی دانە كوشتن و شەهید بوون و د داویێ دە پە یە دێ داخواز ژ رێژیمێ كر كو دانپێدانێ ب رێڤەبەریا وێ یا خوسەر بكە لێ ریژیم داخوازا وێ رەد كر و ژێ خوەست كو ڤان ناڤان راكە و تەڤلی ئەنجومەن و رێڤەبەرێن بسەر رێژیمێ ڤە ببە .
ئەندامێ پۆلیتبیرۆیا پارتیا دیكمقراتا كوردستان سوریا د داوی دە دا زانین كو رێژیما سورێ گەلەك جاران گەف خوار لێ هەبوونا ئەمەریكا ل رۆژهلاتێ چەمی فراتێ بویە رێگر لپێش جیبجیكرنا گەفێن وێ و تگۆت وەلاتێ ئەمەریكا توو جاران ژ دەڤەرێ دەرناكەڤە ئەگەر لدژی بەرچەوەندیێن وێ بە .
1129
