كارگه‌هه‌كه زه‌یتوونان ل گونده‌كی عه‌فرینێ هات دزین
ته‌ڤی هه‌بوونا رێبه‌ندێن گرووپێن چه‌كدار ل هه‌ر گونده‌كی وكولانه‌كی ل گوند وناڤچه وتاخێن باژارێ عه‌فرینێ لێ هین كارێ دزیێ به‌رده‌وامه .
ل گوندێ سه‌نارێ یێ ناڤچه‌یا شیێ یا عه‌فرینا رۆژئاڤایێ كوردستانێ كه‌لوپه‌لێن گوڤاژگه‌هه‌كێ هات دزین كو بهایێ وان كه‌لووپه‌لان ب مه‌لیۆنان لێره‌یێن سووری نه
چالاكڤان عارف حه‌بش كو ب خوه ژ گوندێ سه‌نارێ یه ژ ئاركێ ره راگهاند كو گرووپه‌ك ژ دزان به‌ریا سێ رۆژان ئانگۆ رۆژا شه‌میێ 13/8/2018 كه‌لوپه‌لێن كوڤاژگه‌هه‌كا كورێ حسێن ئاغا ل گوندێ سه‌نارێ دزین كو بهایێ وێ ب 60 مه‌لیۆن لێره‌ێن سووری نه وته‌ڤی مالباتا حسێن ئاغا ل گرووپێن گوندێ سه‌نارێ وناڤچه‌یا شیێ ڤه‌گه‌ریان لێ وان گرووپان گوتن كو تو ئاگاهی وزانیاری ده‌ربارێ دزیا گوڤاژگه‌هێ ده تونه‌نه وژبه‌ر وێ یه‌كێ ناكۆكییه‌كێ ده‌ڤكی روودا.
حه‌بش ئاماژه ب وێ یه‌كێ كر كو به‌رپرسێ ده‌سنیشانكری ل سه‌ر عه‌فرینێ سۆز دا كو لیكۆلین وڤه‌كۆلینێ ده‌ربارێ ڤێ یه‌كێ ده ڤه‌كه لێ تا نها نه‌گوهدانه‌ك وخه‌مسارییه‌ك هه‌یه وتو هه‌ول رژد نه‌هاتنه دایین وژ وێ رۆژێ ده مالباتا كو گوڤاژگه ژێ هاتیه دزین د ره‌وشه‌ك بێ سه‌ر وبه‌ر ده نه ودخوزان ملكێ خوه جاره‌ك دن ڤه‌گه‌رینن داكو ئیسال ده‌مسالا زه‌یتوونان برێڤه ببن ژبه‌ر كو ب وێ گوڤاژكه‌ه ده‌بارا ژیانا خوه دابین دكرن .
ده‌ربارێ ره‌وشا وێ مالباتێ یا سیاسی ناڤبووری ته‌كه‌ز كر كو وتو تێكلی وپه‌یوه‌ندییا وێ مالباتێ نه ب په‌یه‌دێ ره هه‌یه وهه‌رده‌م دژی رێژیما ئه‌سه‌د بوون .
ژ ده‌سپێكا ده‌رباسبوونا گرووپێن چه‌كدار ژ ناڤه عه‌فرینێ ره وره‌وشه‌ك ته‌ڤلیهه‌ڤیێ روودده وته‌ڤی هه‌ولێن به‌ردوام ژ ئه‌نجومه‌نێن خوه‌جهی ژ دانییا سینۆركێ ژ وان گرووپان ره لێ د بنبێكرنێن خوه ده به‌رداومن .
ش.ع
598
