ئەنەكەسێ رەڤاندنا زارۆكان ولەشكەركرنا وان ژ ئالیێ پەیەدێ ڤە شەمەزار كر
آرك نيوز... ئەمینداریا گشتی یا ئەنجوومەنا نشتیمانیا كورد ل سووریێ داخویانیەك بەلاڤكر تێدە رەڤاندنا زارۆكان ولەشكەرەكرنا وان وهەری داوی رەڤاندنا زارۆكا ئێزیدی یا ب ناڤێ سیلفا حەمید جعفر ئیدانە كر.
ئەنجوومەنا نشتیمانیا كورد ل سووریێ د داخویانیا خوەدە گۆت تەڤی شەمەزراركرنا رەڤاندنا زارۆكان, وبەلگەكرنا رەڤاندنا زارۆكان وەكە تاوان ل گۆری یاسایێن ناڤدەولەتی ومافێن مرۆڤان, هین ژی چەكدارێن پەیەدە دبن تەڤایا ناڤێن خوە دە د كریارێن تەرۆرستی دەرمافێ زارۆكێن گەلێ كوردە بەردەوامن, وهەری داوی زارۆكا ئێزیدی یا ب ناڤێ سیلڤا حمید جعفر یا خەلكا گوندێ باسووفانێ یێ سەر ب عەفرینێ ڤە, كو ژ تاخا شێخ مەقسوودا حەلەبێ رەڤاند وهەتا وەكە نها چارەنڤیسا وێ نە خویا یە.
د داخویانیا خوەدە ئەنجوومەنا نشتیمانیا كورد ل سووریێ كریارا تەرۆرستی ولەشكەرەكرنا زارۆكان ودووركرنا وان ژ دبستانێ شەمەزاركر, وداخوازا سەرەبەستبەردانا سیلڤا وتەڤایا زارۆكان كر .
ئەنەكەسە د داخویانیا خوەدە داخواز ژ رێخستنێن مرۆڤی كر سینوورەكی ژ ڤان كریاران رە دەینە, وداخواز ژ فەرماندارێ قەسەدە كر كو رێگریێ ل ئەنجامدانا كریارێن تەڤایا پەیمانێن نەتەوێن یەكگرتی بنپێ دكە بكە, وب تایبەتی بانگا جنێف یاكو رێگریێ ل لەشكەركرنا زارۆكان دكە وسەرۆكێ قەسەدە بخوە ئمزە ل سەر كریە , وزارۆكان ڤەگەرینە بۆ دایك ودبستانێن وان .
559
