عه‌فرين .. ئاڤا ڤه‌خوارنێ جاره‌ك دن ل سه‌ر ناڤه‌ندا باژێر هاته به‌لاڤكرن
چار رۆژن و رييا ڤه‌گه‌رێ ل پێشيا خه‌لكێ عفرينا رۆژئاڤاي كوردستانێ ل سه‌ر رێبه‌ندا بێنێ يێ باشورێ عفرينێ هاتيه ڤه‌كرن و ب سه‌دان مالبات ته‌ڤ ئۆتۆمبێل و تراكتۆر وكه‌ل وپه‌لێن خوه ده‌رباسي عفرينێ دبن.
ژێده‌ره‌ك تايبه‌ت ژ ناڤ عفرينێ ژ ئاركێ راگهاند كو ژ سێ رۆژان ڤه و ب سه‌دان مالبات ده‌رباسي عفرينێ بوونه ئه‌و مالبات ته‌ڤي ئۆتۆمبێل خوه د ريا رێبه‌ندا بێنێ ده‌رباسي عفرينێ دبن و تا نها پێلا ڤه‌گه‌رێ ژ ده‌ڤه‌رێن ده‌ربه‌ده‌ريێ به‌رده‌وامه.
ده‌ربارێ روشا خزمه‌تگوزاريێ ل عفرينێ ژێده‌رێ ته‌كه‌ز كر كو جاره‌ك دن ئاڤا ڤه‌خوارنێ ژ به‌نداڤا مه‌يدانكێ ل ناڤه‌ندا باژارێ عفرينێ هاته بلاڤكرن ودابه‌شكرن وپشتي دوو هه‌يڤان ژ برينێ جاره‌ك دن ب ئاليكاريێ تيمێن ئه‌ندازياريێ ئاڤ هاته بلاڤكرن.
لێ ل ئاليێ دن هن گرووپ ژ چه‌كداران د بنپێكرنێن خوه به‌رده‌وامن دۆه وه‌لاتيێ ب ناڤێ موسته‌فا عبدو شاهين كو ب خوه ژ گوندێ كوبه‌كێ يه ژ ئاليێ چه‌كداران ڤه ل تا خا زيديێ يا عفرينێ هاته ته‌رۆكرن.
ژێده‌ره‌ك تايبه‌ت ژ ئاركێ ره بال كشان سه‌ر وێ يه‌كێ و گۆت كو دۆه ل سه‌ر رێبه‌ندا تورندێ وه‌لاتيێ ب ناڤێ جوان مسته‌فا خۆجه كو بخوه ژ ناڤچه‌يا ماباتا يه ژ ئاليێ چه‌كداراێن ئارتێشا نشتيماني ڤه هاته بنچاڤ كرن ... ول ئالييه‌كي دن ژی هه‌مان چه‌كداران وه‌لاتيێ ب ناڤێ خه‌ليل مسته‌فا شێخۆ ژ ناڤچه‌يا شيێ هاته بنچاڤ كرن تا نها تو زانياري ل سه‌ر هه‌ر دوو وه‌لاتييان تونه‌نه.
هه‌ر ل سه‌ر بنپێكرنێن چه‌كدارێن ئارتێشا نشتيماني ل گوندێن عفرينێ ژ ێده‌رێ دا زانين كو چه‌كداراێن حمزات ده‌ست ب هه‌لمه‌ته‌كه دزيا ئوتومبێلێن وه‌لاتيێن كورد يێن عفرينێ كرنه ... وب تايبه‌ت ل گوندێ جووقێ دارگرێ و ماراتێ وكه‌فه‌رشيلێ و قێسم وهن كه‌ل وپه‌ل ژي ژ وان گوندان دزينه .
شێخۆ عه‌فريني
580
