پەیاما سەرۆك بارزانی ب هەلكەفتا هاتنا جەژنا چارشەما سۆر
آرك نيوز.. ب هەلكەفتا هاتنا سەرێ سالا ئۆلیا ئێزیدیان جەژنا چارشەما سۆر سەرۆك بارزانی پەیامەكە پیرۆزباهیێ ئاراستەی كوردێن ئێزیدی ل كوردستانێ وجیهانێ كر.
د پەیامیا پیرۆزباهیێ دە سەرۆك بارزانی گۆت ب هەلکەفتا هاتنا جەژنا سەرێ سالا ئولیا ئێزیدیان، چارشەما سۆر گەرمترین پیرۆزباهیێن خوە ئاراستەی تەڤایا خوشك و برایێن ئێزیدی ل كوردستانێ و جیهانێ دكەم و هیڤیا بەختەوەری ودل خوەشیێ بۆ وان دخوازم.
هەروەها سەرۆك بارزانی د پەیاما پیرۆزباهیێ دە گۆت خوشك و برایێن ئێزیدی بەشەکی رەسەنێ گەلێ كوردستانێ نە، و د ڤێ هەلکەفتێ دە تەكەز دکەم کو ل گەل ئێش و ئازارێن وان دەنە، و ب تەڤایا كارینان پشتەڤانیا داخوازیێن خوشک و برایێن ئێزیدی دكم.
سەرۆك بازرانی گۆتژی: هیڤیدارم خوشك و برایێن ئێزیدی ب سەربەستی و ئازادی ڤەگەرنە سەر جھـ و وارێن خوە، وداوی ب دەربدەری ونەهامەتیا كو ژئالیێ تیرۆرست و ناحەزێن گەلێ مە ب سەر وان دە هاتیە سەپاندن وەرە ، و بو ڤێ چەندێ پێویستە تەڤایا ئالیان هەڤكار بن، كو کوردێن ئێزدی بخوە بڕیارێ ل سەر چارەنڤیس و پاشەروژا خوە بدەن و برینێن وان ساڕێژبكەن.
د داویا پەیاما پیرۆزباهیێ دە سەرۆك بارزانی تەكەز كر كو كوردستان وەڵاتێ پێكڤەژیانێ یە و پێویستە ئەڤ فەرهەنگا دەوڵەمەند وەرە پاراستن، وهیڤیدارم تەڤایا جەژن و هەلکەفتێن كوردێن ئیزیدی ب شادی و ئارامی دەرباس ببن و بمینن ب خێر و خۆشی دە.
201
