عەفرین... 7 مالباتێن كوردێن ئێزیدی ڤەگەریان گوندێ قەستەلێ
آرك نيوز… ئێدی مالباتێن كوردێن ئێزیدی یێن ههرێما عەفرینا رۆژئاڤایێ كوردستانێ, دهست ژ ژیانا كۆچبهری و دهربدهریێ بهرددن و بهرێ خوه ددن زێدێن خوه.
بهریا چهند رۆژان زێدهتری 10 مالباتان كو ژ وان مالباتان كورد ئێزیدی ژی ههبوون, ژ كامپێن شههبایێ و ههلهبێ بهرێ خوه دانه گوندێ خوه.
موستهفا شێخۆ چالاكڤانێ كورد ئیرۆ 18ێ نیسانا 2022یان, ژ ئاركێ ره دا زانین كو گوندێ قهستهل جندۆ یێ سهر ب ناڤچهیا شهرا ڤه, پێشوازی ل 7 مالباتێن كوردێن ئێزیدی كر.
ژ بلی وان مالباتان، شێخۆ ئەشكهره كر كو 5 مالباتێن دن ڤهگهریان ناڤچهیا شیێ و گوندێ قهرمتلقێ، كو هژمارا گشتی دبه 13 مالبات یێن د ڤێ دهما داویێ ده هاتنه.
ل گۆری مالباتێن كو ڤهدگهرن دبێژن كو راستی گهلهك ئاستهنگی و زهحمهتیان تێن, تا خوه دگهینن باژار و گوندێ خوه, گوژمه پهرهیێن زێده ددن, سهرباری ئاستهنگیێن ژ ئالیێ پەیەدێ ل شههبایێ و حهلهبێ و مونبجێ ل ئالیهكی, و ژ ئالیێ كۆمێن چهكدار یێن ل عەفرینێ و جهرابلوسێ و عەزازێ ل ئالیهكی دن.
شێخۆ تهكهز كر كو ژ سهرێ مهها نیسانێ ڤه زێدهتری 130 مالبات ڤهگهریانه هین پێل بهردهوامه.
ش.ع
413
