سه‌ركرده‌يه‌كي PDK-S جاره‌نڤيسا گرتيێن د زيندانێن PYD ده ئه‌شكه‌ره‌دكه
ژ رۆژا 18ێ مه‌ها ئادارێ ئه‌نكو رۆژا ڤه‌كشانا په‌يه‌دێ ژ عفرينا روژئاڤاێ كوردستانێ وهه‌رده‌م پرسا گرتيێن كو د زينانێن په‌يه‌دێ ده بوون تێنه كرن ئه‌ندامه‌كي كۆميتا ناڤه‌ندي يا پارتيا ده‌مۆقراتا كوردستان سوريا ژ مالپه‌را پارتيا ده‌مۆقراتا كوردستان سووريا ره چاره‌نڤيسا گرتيێن سياسي يێن ل عفرينێ ده بوون ئه‌شكه‌ره وخويا كر.
شاهين ئه‌حمد ئه‌ندامێ كوميتا ناڤه‌ندي يا پارتيا ده‌مۆقراتا كوردستان سوريا ژ مالپه‌را په‌ده‌كه‌سێ ره راگهاند وگۆت ئه‌ندامێ كۆميتا ناڤه‌ندي يا پاريتا ده‌مۆقراتا كوردستان سوريا عبدالرحمن ئاپو كو د 12ێ مه‌ها 7ان سالا 2017 ان ژ ئاليێ چه‌كدارێن په‌په‌دێ ڤه هاتبوو بنچاڤكرن, و پارێزه‌ر ئدريس عه‌لۆ ئه‌ندامێ كۆميتا هه‌رێمي يا پارتيا ده‌مۆقرات كوردستان سوريا كو د 8 مه‌ها 11 سالا 2013 ان هاتبوو بنچاڤ كرن دوو ژ گرتيێن كو په‌يه‌دێ ئه‌و راده‌ستي ئه‌ولكاريا له‌شكه‌ري يا رێژيما سوريێ ل باژارێ حه‌له‌بێ كرنه .
سه‌ركرده‌يێ په‌ده‌كه‌سي شاهين ئه‌حمد هه‌روه‌ها ژ مالپه‌رێ ره دا زانين كو راده‌ستكرنا گرتييان پشتي ڤه‌كشانا په‌يه‌دێ ژ عفرينێ هاتبوو پێكئانين وچه‌كدارێن يه‌په‌گێ هه‌موو گرتي ژ زيندانێن عفرينێ ب خوه برن هه‌ردوو باژاروكێ نبل وزهرايێ و پشتره ژ بوو باژروكێ فافين يێ ده‌ردۆرا حه‌له‌بێ هاتن ڤه‌گوهه‌ستن .
شاهين احمد هه‌وره‌ها بال كشان سه‌ر وێ يه‌كێ كو ده‌ردورا 92 گرتي د ريا دوو باسان ره ژ فافين ژبوو ناڤه‌ندا ئه‌وله‌كاريا له‌شكه‌ري يا رێژيما سوريێ ل حه‌له‌بێ هاتن ڤه‌گوهه‌ستن.
د داويێ راگهاندنا خوه ده شاهين احمد كريارێن په‌يه‌دێ د راده‌ستكرنا گرتيێن كورد ژ بوو رێژيما سوريێ شه‌رمه‌زاركر و خوه‌ست كو گرتيێن سياسي يێن ئه‌نجومه‌نا نشتيماني ياكورد ل سوريێ وچالكڤان سه‌ربست وه‌رن به‌ردان .
دۆه ژي هه‌يسه‌م محمد يه‌ك ژ گرتيێن كو په‌يه‌دێ راده‌ستي رێژيمێ كربوو سه‌ربست هات به‌ردان وگهشت عفرينا روژئاڤا كوردستانێ.
شێخو عه‌فريني
444
