فاشستێن جوانێن شۆرەشگەر ئیریشی نڤیسگەها ئەنەكەسێ كر
آرك نيوز... ل باژارۆێ تل تەمر جوانێن شۆرەشگەر یێن فاشیست ب مەبەستا قەدەغەكرنا ڤەژاندنا سالڤەگەرا كۆچباركرنا باڤێ نەتەوا كوردی مەلا مستەفا بارزانیێ نەمر, ئێریشێ نڤیسگەها ئەنەكەسێ كر.
د چارچۆڤەیا بەردەوامیا ئێریش وبنپێكرنێن جوانێن شۆرەشگەر یێن فاشیست د دەرمافێ گەلێ كورد دە, دوە د نیڤا شەڤێ دە, نڤیسگەها ئەنجوومەنا خوەجهیا تل تەمر یا ئەنجوومەنا نشتیمانی یا كوردی ل سووریێ راستی ئێریشێ ب كەڤران ژ ئالیێ فاشیستێن جوانێن شۆرەشگەر ڤە هات وكەل وپەلێن د ناڤ نڤیسگەهێ ده هاتن شكاندن, ئەو ژی ب مەبەستا رێگریێ ل ڤەژاندنا سالڤەگەرا كۆچباركرنا مەلا مستەفا بارزانیێ نەمر كو ئامادەكاریێن وێ تێن كرن.
ل رۆژئاڤایێ كوردستانێ هەر دەم ودەمەكێ جوانێن شۆرەشگەر یێن فاشیست ئێریشێ نڤیسگەهێن ئەنەكەسێ دكن ورێگریێ ل كار وچالاكیێن وێ دكن هەروەها ئەندام وئالیگرێن ئەنەكەسێ ژ ئالیێ وان ڤە تێنە رەڤاندن وتا نها پێكئینەرێن ڤان كریاران نەهاتنە سزادان وئەڤ كریار یەك ژ سەدەمێن راوەستاندنا دانووستاندنێن كوردی كوردی نه.
402
