ئەمریكا: ئەگەرەكە مەزن هەیە كو رۆسیا ئێریشا خوەیا لەشكەری د ڤێ حەفتیێ دە ل سەر ئۆكرانیا ئەنجام بدە
آرك نيوز.. ئەمریكا دەمێ ئەنجامدانا ئێریشا رۆسیا یا لەشكەری بۆ سەر ئۆكرانیا دەستنیشانكر , ورۆسیا بەرسڤا ئەمریكا ددە ودبێژە ل گۆری كو ئەمریكا دەستینیشانكریە ب تەنێ دو دەمژمێر بۆ دەستپێكرنا ئێریشێ مایە.
ئەنتۆنی پلینكن وەزیرێ دەرڤەیێ ئەمریكا ژ بۆ فرانس 24 راگەهاند كو ئەگەرەكە مەزن هەیە كو رۆسیا ئێریشا خوەیا لەشكەری د ڤێ حەفتیێ دە ل سەر ئۆكرانیا ئەنجام بدە, ژ بەر وەلاتێ رۆسیا هێزەكە مەزن ئانیە سەر سینوورێ خوە ب ئۆكرانیا رە .
هەروەها پلینكن دازانین كو جۆ بایدن سەرۆكێ ئەمریكا د دەما نهادە ل سەر هێلا دبلۆماسی كار دكە, تاكو ئێریش نەوێ ئەنجامدان, وژ بەر ڤێ یەكێ لگەل سەرۆكێ رۆسیا وسەرۆكێ ئۆكرانیا د ریێا تەلەفوونێ ڤە پەیوەندی كریە.
وژئالیێ خوەڤە ماریا زاخارۆفا گۆتووبێژا وەزارەتا دەرڤەیا رۆسیا راگەهاند كو ل گۆری ئاژانسا بلۆمبێرك یا ئەمریكی دبێژە ب تەنێ دو دەم ژمێر بۆ دەستپێكرنا ئێریشا رۆسیا بۆ سەر ئۆكرانیا مانە.
زاخارۆفا ب شێوەیێ پێكەنین ئاخڤی وگۆت , ئاژانسا ئەمریكی ژ بۆ چ ئارمانجەكێ ڤێ نووچەیێ بەلاڤ دكە.
فۆلۆدیمێر زیلینسكی سەرۆكێ ئۆكرانیا د گوتارەكێ دە رۆژا 16 ڤێ مەهێ ئانگۆ سبە چارشەمێ , وەكە رۆژا یەكبوونێ دەستنیشانكر, وگۆت زانیاری گەهشتنە دەستی وی كو رۆسیا وێ رۆژا 16 ڤێ مەهێ ئێریشی ئۆكرانیا بكە.
وژئالیێ خوەڤە فرانك فالتەر شتاینمایر سەرۆكێ ئەلمانیا هۆشداریا دەستپێكرنا جەنگێ ل ئۆرۆپا رۆژهلات دا, وگۆت كو رۆسیا بەرپرسیارە دبەر دروستبوونا جەنگێ دە.
ورۆژا یەك شەمێ ئارتێشا ئۆكرانیا راگەهاند كو ئەو ژ پلانا بەرەڤانیكرنێ ل دژی ئێریشا رۆسیا ب داوی هاتنە, وسیستەمێ دژە بالەفرێن جەنگی ل سەر تەڤایا سینوورێن ئۆكرانیا ب رۆسیا رە هاتیە بجیكرن.
ل گۆری داوین زانیاریێن هاتنە راگەهاند كو رۆسیا بهتر ژ 100 هەزار سەربازێن خوە بۆ سەر سینوورێ خوە ب ئۆركرانیا رە ڤەگوهاستنە , ومانۆرێن سەربازی ل سەر سینووری بەردەوام ئەنجام ددە.
343