عامودێ .. PYD خەلكێ نەچار دكە داخوازا دەرخستنا PKK ژ لیستەیا تەرۆرێ بكن
ارك نیوز .. د چارچۆڤەیا سیاسەتا تەكەزكرنێ كو یەك ژ باسكێن پەكەكە یە ل رۆژئاڤایێ كوردستانێ, پەیەدە وەلاتیێن دو باژارێن رۆژئاڤایێ كوردستانێ نەچار دكە كو داخوازا دەرخستنا پەكەكە ژ لیستەیێن تەرۆرێ بكن.
ژێدەرێن خوەجهی ژ باژارێ عاموودێ یێ رۆژئاڤایێ كوردستانێ تایبەت ژ ئاركێ رە راگەهاندن كو كۆمینێن سەر ب رێڤەبەریا پەیەدە ڤە دەست ب نەچاركرنا خەلكێ كرنە كو داخوازا دەرخستنا پەكەكە ژ لیستەیێن تەرۆرێ بكن وئمزەیێ ل سەر داخوازنامەیێ بكن.
وەكە ژێدەران دایەزانین كو كۆمینێن پەیەدە ل باژارێ عاموودێ مال ب مال دگەرن ، ول سەر خەلكێ فەرز دكە كو ئمزە بكن، وهەر كەسەكی رازی نەبە ئمزە بكە، وی دەمی ناڤی وی تێ تۆماركرن كو ئمزە نەكریە وگەف لێ تێ خوارن كو ئیدی تو ئالیكاریەكێ ژ كۆمینان وەرناگرە.
رۆژا دۆزدەهێ ڤێ مەهێ ل باژارێ حەسەكێ یێ رۆژئاڤایێ كوردستانێ ژی كۆمینێن سەر ب رێڤەبەریا پەیەدە ڤە خەلكێ باژارێ حەسەكێ نەچار كرن كو ئیمزەیێ ل سەر داخوازا دەرخستنا پەكەكە ژ لیستەیێن تەرۆرێ یێن ئەمریكی وئۆرۆپی بكە.
529
