مەزلووم عەبدێ دانپێدانێ دكە كو زانیاری دەربارێ ئێریشا داعشێ بۆ سەر زیندانا سیناعا ل جەم وان هەبوون

آرك نيوز..پشتی دەرباسبوونا بهتر ژ بیست رۆژان ژ ئێریشا داعشێ بۆ سەر زیندانا سیناعا ل باژارێ حەسەكێ , كو دئەنجامێ دە سەد وبیست وچار كەس ناڤبەرا چەكدارێن قەسەدە وسڤیلان دە ژیانا خوە ژ دەستدا, مەزلووم عەبدێ دانپێدانێ دكە كو قەسەدە بەرپرسیارە دبەر ئەنجامدانا ئێریشێ دە.

مەزلووم عەبدێ فەرماندارێ قەسەدە د هەڤدیتنەكێ دە ل گەل ئاژانسا اسۆشیتد پرێس گۆت كو زانیاریێن هەوالگری دەربارێ ئێریشكرنێ ل سەر زیندانا صناعە ژ ئالیێ چەكدارێن داعشێ ڤە ل جەم قەسەدە هەبوون, وقەسەدە د بجیركرنا رێكار وتەدابیران دە فەشەل ئانی.

مەزلووم عەبدێ ئەو چەند ژی ئەشكەرەكر كو د سالا بووری دە قەسەدە زانیاری وەرگرتن كو چەكدارێن داعشێ وێ ئێریشی زیندانا صناعە بكن.

فەرماندارێ قەسەدە گۆتژی كو قەسەدە بەرپرسیارە دبەر ئێریشا سەر زیندانا صیناعا دە , وقەسەدە ب ئەرك وبەرپرسیارەتیا خوە ل هەمبەر رێگریكرنێ ل ئێریشێ نەرابوو, وئەو كارێ قەسەدە كر نە بەسبوو ژ بۆ ژناڤبرنا شانەیێن ڤەشارتی یێن داعشێ كو ل تاخێن دەردۆرا زیندانا صیناعا هەبوون.

وەكە مەزلووم عەبدێ دایەخویاكرن كو ژ بەریا چەند مەهان ڤە وچەكدارێن رێخستنا تەرۆرستی یا داعشێ پلانا ئێریشكرنێ ل سەر زیندانێ ب ئاوایەكی نهێنی دارێژتبوون, وزانیاری درەبارێ وێ پلانا دارێژتی ژ ئالیێ داعشێ ڤە ل جەم قەسەدە هەبوون.

مەزلووم عەبدێ دانپێدان ب وێ چەندێ كر وگۆت كو هێزێن سووریا دیموكراتیك هندەك اجرائات ژ بۆ رێگریكرنێ ل ئێریشێ كرن, لێ ئەو ئجرائات نە سەركەفتی بوون, بەلكوو قەسەدە ب وان ئیجرائاتان فەشەل ب دەستڤە ئانی.

مەزلووم عەبدێ گۆتژی كو زیندانا سیناعا مەترسیەكە راستەقینە بوو , وزانیاریێن قەسەدە د ڤێ دەربارێ دە هەبوو, وهاتە تەكەزكرن كو داعش وێ دو ئێریشان ئەنجام بدە, وب تەنێ قەسەدە كاری رێگریێ ل یەك ئێریشێ بكە.

چەكدارێن داعشێ د بیست مەها سباتێ دە ئێریشی زیندانا سیناعا ل باژارێ حەسەكێ كرن, ودئەنجامێ دە 124 چەكدارێن قەسەدە وژمارەیەك سڤیل بوونە قوربانی.

343