دەهـ سال ب سەر بجیركرنا پیلانا تەرۆركرنا شەهید نەسرەدین برهك رە دەرباسبوون

آرك نيوز.. بەریا 10 سالان ود رۆژەكە وەكە ئیرۆ دە پیلانا تەرۆركرنا شەهید نصرالدین برهك كەتە وارێ بجیكرنێ دە, وب دەستێن قرێژ وخیانەتكار د ناڤبەرا باژارۆكێ گركێ لەگێ وباژارێ دێركا رۆژئاڤایێ كوردستانێ دە ب گولەیان هاتە ئارمانجكرن.

شەهید نصرالدین برهك ل رێكەفتا 13 سباتا سالا 2012 ان ب گولەیان هاتە ئارمانجكرن, ودئەنجامێ دە ب گرانی برینداربوو, وبۆ نەخوەشخانەیا النور ل باژارێ قامشلۆ یێ رۆژئاڤایێ كوردستانێ هاتە ڤەگوهاستن, وژ بەر گرانیا برینێن وی بۆ نەخوەشخانەیا مارتینی ل باژارێ حەلەبێ هاتە ڤەگوهاستن.

ل نەخوەشخانەیا مارتینی چەندین نەشتەرگەری بۆ شەهید نصرالدین برهك باڤێ عەلا ْ هاتنە ئەنجامدان, لێ وژبەر گرانیا برینان, وتێكچوونا رەوشا وی یا تەندرۆستی ل رێكەفتا 22 سباتا 2012 ان ل نەخوەشخانەیا مارتینی شەهید كەت, وب ڤێ یەكێ دژمنان پیلانا خوەیا قرێژ بجیكرن.

شەهید نصرالدین برهك باڤێ عەلا ْ ژ دایكبووێ گوندێ كەڤرێ دەنا یێ سەر ب باژارێ چل ئاغا ل دەڤەرا ئالیان ڤە یە , سالا 1960 , ژ مالباتەكە وەلاتپارێزا دەڤەرا ئالیان ڤەیە, وژ ناسكریێن ئێلا حەمكایە.

شەهید باڤێ عەلا ْ قۆناغا سەرەتایی ل گوندێ كەڤرێ دەنا خوەندیە, وقۆناغا اعدادی ل باژارێ چل ئاغا خوەندیە , وقۆناغا سانەوی ل ئامادەییا صناعە ل باژارێ حەسەكێ خوەندیە, وباوەرنامەیا پەیمانگەها تەكنیكیا صناعە بەشێ كەهرەبێ ل باژارێ دێرازۆرێ ب دەستڤە ئانیە.

نصرالدین برهك ژ دەستپێكا جوانیا خوەڤە تەڤلی رێزێن پارتیا دیموكراتا كوردستان سووریا بوویە, ود ناڤا رێخستنێن خوەندەڤانان ل چل ئاغا وحەسەكێ ودێرازۆرێ كار كریە.

شەهید نصرالدین برهك د كۆنگرەیێ 10 یێ پارتیا دیموكراتا كوردستان سووریا وەكە ئەندام هاتیە دەستنیشانكرن, ود پلە وپۆستێن حزبی دە كار خەباتا خوە كر هەتا كو وەكە ئەندامێ كۆمیتەیا ناڤەندی هاتە دەستنیشانكرن, و د كۆنگرەیێ سالا 1998 ان كو ب كۆنگرەیێ شەهید كمال احمد درویش تێ ناسكرن, وەكە ئەندامێ پۆلیتبیرۆیا پارتیا دیموكراتا كوردستان سووریا هاتە دەستنیشانكرن.

شەهید نصرالدین برهك چەندین جار راستی دەستەسەركرنێ هاتیە ویەكەم جار پشتی راپەرینا 12 ئادارێ سالا 2004 ان ل سەر دەستێ رژێما ئەسەد هاتە دەستەسەركرن, وپشترە سالا 2009 ان هاتە دەستەسەركرن, وهەر كو فشار ل شەهید دەهاتە كرن, باوەریا وی ب دۆز ومافێ گەلێ كورد بهێزتر دبوو.

شەهید نصرالدین برهك ل گوندێ كەڤرێ دەنا ب ئامادەبوونا هەزاران ژ جەماوەرێ كورد ب خاكێ هاتە سپارتن.

367