ئەمریكا ورۆسیا ب نهێنی دەربارێ سووریێ ل هەڤكرنە

ژێدەرێن راگەهاندنێ یێن ئەمریكی بەلاڤكرن كو ل هەڤكرنەكە نهێنی ناڤبەرا رۆسیا وئەمریكا دە دەربارێ رەوشا رەوشا سووریێ هاتیە كرن.

گۆڤارا فۆرین پۆلیسی یا ئەمریكی د راپۆرتەكێ دە بەحسا ناڤەرۆكا ل هەڤكرنا نهێنی ناڤبەرا رۆسیا وئەمریكا دە دەربارێ رەوشا سووریێ كە ودبێژە كو ئارمانج ژێ كێمكرنا فشارێ یە ل سەر رژێما ئەسەد ل نەتەوێن یەكگرتی.

وەكە گوڤارا ناڤبووری دایەزانین ئەگەر ئەنجوومەنا ئەولەهیا ناڤدەولەتی ل سەر ل هەڤكرنا رۆسی وئەمریكی درەبارێ سووریێ رازی ببە , وی دەمی دۆسەیا ب كارئانینا چەكێن كیماوی ژ ئالیێ رژێما ئەسەد ڤە وێ وەرە پشتگوهخستن, وب تەنێ جڤینێن هەڤبەش دەربارێ گەهاندنا ئالیكاریێن مرۆڤی بۆ سووریێ وچارەسەریا سیاسی ل سووریێ وێ وەرنە ئەنجامدان.

وەكە گۆڤارا فۆرین پۆلیسی یا ئەمریكی دایەخویاكرن كو ل هەڤكرن چارەسەریەك ژ بێزاریا وەلاتێن ئەندام د ئەنجوومەنا ئەولەهیا ناڤدەولەتی ژ چارەسەریا سووریێ رە یە , ژ بەر ناكۆكیێن سووریێ ب داوی نایێن, ودبلۆماتكار هەمان مژاران د گۆتووبێژیێن خوەدە دوبارە دكن, وناكۆكیێن سووریێ دووربوونێ ناڤبەرا وەلاتێن زلهێز دە دروست دكە, ژبەر هەتا وەكە نها تو پێشڤەچوونەك د رەوشا سووریێ دە نەهاتیە كرن.

هەروەها فۆرین پۆلیسی داخویاكرن كو د ل هەڤكرنێ دە ئەمریكا هندەك تەنازولات ژبۆ رۆسیا كرنە , ئەوژی تاكو هەردو وەلات ل سووریێ رووبرووێ هەڤ نەبن, وگەهاندنا ئالیكاریان بۆ سووریێ د ریێا توركیا ڤە بەردەوام بن , ژ بەر رۆسیا دخوازێ ڤێ ریێا گەهاندنا ئالیكاریان دابخە.

گوڤارا ناڤبووری ئەشكەرەكر كو ئەمریكا ورۆسیا ئەڤ ل هەڤكرن ویان ژی وەكە ناڤ لێ هاتیە كرن پێشنیار, د 31 مەها بووری دە پێشكێشی وەلاتێن ئەندام د ئەنجوومەنا ئەولەهیا ناڤدەولەتی دە كریە, ود دەستپێكێ دە پێشنیار هاتە رەتكرن, وپشترە دخوازا ڤەكۆلینێ وخوەندنێ ل پێشنیاران هاتیە كرن, ووەكە تێ پێشبینیكرن كو رازیبوون ل سەر وێ وەرە نیشاندان.

وبەریا نها رۆژنامەیا شرق الاوست د راپۆرتەكێ دە گۆتبوو كو رەوشا سووریێ د ریێا دۆسەیا گەهاندنا ئالیكاریێن مرۆڤی وێ ل سەر مێزا ئەنجوومەنا ئەولەهیا ناڤدەولەتی وێ وەرە گۆتووبێژكرن, وئەڤ كار وسیاسەتا كو غیێر پێدرسۆن دەربارێ سووریێ بجی دكە, د كەڤە چارچۆڤەیا بجیكرنا هەما ل هەڤكرنا كو رۆسیا وئەمریكا ل سەر ل هەڤكرنە.

235