سهركردهیێن قەسەدە وپەیەدە پێشڤهچوونێن زیندانا سیناعا ژ بیركرن, و د راگههاندنێ دە شهرێ ههڤ كرن
آرك نيوز.. سەركردەیێن قەسەدە دەربارێ پێشڤەچوونێن زیندانا صناعە هەڤدو دەرەوین دەرخستن, وهەر بەرپرسیارەكی لێدوانێن جودا دەربارێ پێشڤەچوونان بەلاڤ دكرن, وهەر لێدوانەك ژ لێدوانا دن جوداتر بوو.
د یەكەم رۆژا ئێریشا داعشێ بۆ سەر زیندانا صیناعا دە بەرپرسیار وراگەهاندنا قەسەدە تەكەز كرن كو رەوش هاتیە كۆنترۆلكرن , وپیلانا داعشێ هاتە پووچكرن, وشەروپەڤچوون د ناڤا زیندانا صناعە دە دروست بوونە ئەوژی ژ بەر كو چەكدارێن داعشێ استعصا ْ دەستپێكرنە.
هەروەها د یەكەم رۆژ دە قەسەدە راگەهاند كو هێزا رووبرووبوونا تەرۆرێ یا سەر ب قەسەدە ڤە هەلمەتا پاككرنا زیندانێ وكۆنترۆلكرنا رەوشێ , دەرباسی ناڤا زیندانێ بوون, ورەوش ب یەكجاری هاتە كۆنترۆلكرن, واستعصائا داعشێ ب داوی هات.
د دوەم رۆژدە ئانگۆ رۆژا 21 مەهێ لوقمان احمی بەردەڤكێ رێڤەبەریا پەیەدە نووچەیا راگەهاندنا قەسەدە ب دەرەو دەرخستن و گۆت كو هێزێن سووریا دیموكراتیك وهێزێن ئەولەهیا ناڤخۆیی ب هەڤكاری ل گەل هەڤپەیمانیا ناڤدەولەتی كارین بەشێ هەری سەرەكە ژ پیلانێ ژناڤ ببن.
وژئالیێ خوەڤە زیدان العاصی هەڤسەرۆكێ ئۆفیسا بەرەڤانیێ یا سەر ب پەیەدە ڤە جارەكە دن لوقمان احمێ ب دەرەو دەرخست وگۆت كو هێزێن سووریا دیموكراتیك كارین تەڤایا زیندانێ صناعا وتاخا غوێران ل حەسەكێ كۆنترۆل بكن, ورەوش ئارام بوویە.
د سێەم رۆژ دە وپشتی كو زیدان العاصی گۆت كو رەوش كۆنترۆل بوویە, راگەهاندنا قەسەدە زیدان العاصی ب دەرەو دەرخست و گۆت كو شەروپەڤچوون ل تاخێن زهوور وغوێران ود ناڤا زیندانێ دە بەردەوامن, وب تایبەتی ژ هەردو ئالیێن باكوور وباشوورێ زیندانێ.
د چارەم رۆژدە فەرهاد شامی بەرپرسیارێ راگەهاندنا قەسەدە هاتە سەر هێلێ وجارەكە دن زیندان العاصی ب دەرەو دەرخست , وبەحسا پێشڤەچوونێن زیندانا صناعە كر وگۆت كو ل ئالیێ باكوورێ زیندانێ ول تاخا زهور شەروپەڤچوون بەردەوامن , وكارێ مەیێ هەری پێشینە رزگاركرنا دیلانە ,
و ل ئالیەكی دە قەسەدە رادگهاند كو ئەو دیلان ژ دەستێ داعشێ رزگار دكە, وپەیەدە د هەمان دەمێ دە رزگاركرنا دیلان وەكە ئەرك بۆ خوە دزانی وگۆت كو پزیشكێن سەر ب پەیەدە ڤە بریندارێن داعشێ دەرمان دكە وپەیەدە خوارنێ ژ وان رە پێشكێش دكە.
هەر د چارەم رۆژ دە قەسەدە داخویانیەك بەلاڤكر وتێدە تەڤایا گۆتنێن فەرهاد شامی , وپەیەدە , ولوقمان حەمێ وزیدان العاصی ب دەرەو دەرخست وگۆت كو هن دەزگەه وپێجێن راگەهاندنێ نووچەیێن دوور ژ راستیێ دەربارێ پێشڤەچوونێن زیندانا صناعە بەلاڤكرنە وگۆت كو ب تەنێ چەكدارێن قەسەدە تاخێن دەوروبەرێ زیندانێ كۆنترۆلكرنە, وتو پێشڤەچوونەكە چەكدارێن قەسەدە د ناڤا زیندانێ نینە, بەلكوو ئیدی چەكدارێن داعشێ نكارن ب رەڤن.
د پێنجەم رۆژ دە راگەهاندنا قەسەدە ب تەنێ گۆت كو شەروپەڤچوون بەردەوامن وچەكدارێن داعشێ خوە رادەست دكن, وب تەنێ بەشەك ژ زیندانێ هاتیە كۆنترۆلكرن, ئەوژی د دەمەكێ دە كو بهتر ژ 45 هەزار ژ خەلكێ تاخا غوێران وتاخێن دەردۆرا زیندانێ ژ مالێن خوە د سەرمایێ دە دەربدەربوون.
د شەشەم رۆژ دە جارەكە دن فەرهاد شامی هاتە سەر هێلێ وگۆت كو هێزێن قەسەدە دە دەست ب كۆنترۆلكرنا ئاڤاهیێن زیندانێ دكە, ورەوشا زیندانێ نە ئارامە.
د حەفتەم رۆژ دە قەسەدە كۆنترۆلكرنا تەڤایا زیندانێ راگەهاند, وگۆت كو تەڤایا چەكدارێن داعشێ خوە رادەست كرنە , كو د راستی وپشتی ب تەنێ چەند دەمژمێران ژ راگەهاندنا قەسەدە چارەكە دن شەروپەڤچوون د ناڤا زیندانێ دە دروست بوون, وتەڤی بەردەوامیا شەوپەڤچوونان مەزلووم عەبدێ فەرماندارێ قەسەدە هاتە سەر هێلێ وپیرۆزباهیا سەركەفتنێ كر وگۆت كو ئەڤ سەركەفتن هەڤدەم بوو ل گەل رزگاركرنا كوبانێ ژ داعشان.
مەزلووم عەبدێ د ڤێ توویتێ دە هەول دا كو جارەكە دن راستیان ب شێوێنێ وب تو ئاوایەكی بەحسا رۆلا پێشمەرگەیێن كوردستانێ د رزگاركرنا كوبانێ دە نەكر كو دەما پێشمەرگەیێن كوردستانێ بەرەڤ كوبانێ ب رێكەتن, ب تەنێ 10% ژ كوبانێ د دەستێ قەسەدە دە مابوو وتەڤایا خەلكێ كوبانێ دەربدەربووبوون.
قەسەدە د 26 مەها بووری دە كۆنترۆلكرنا زیندانێ راگەهاند لێ د راستی شەروپەڤچوون د زیندانا صناعە دە هەتا نێزیكی سەرێ مەهێ بەردەوام كرن, ئەوژی پشتی رزگاركرنا سەركردە ونیشانڤان وشارەزایێن داعشێ ژ زیندانێ.
ودەربارێ چاوەنیا ئێریشكرنا داعشێ ل سەر زیندانێ جارەكە دن بەرپرسیارێن قەسەدە لێدوانێن بەروڤاژیێ هەڤ بەلاڤكرن.
نووری محموود بەردەڤكێ یەپەگە گۆت كو هن ئالی د ناڤا زیندانێ دە ل هەمبەر پەرەیان ئالیكاریا داعشان كرن وئاسانكاری ژ وان رە پێشكێشكرن تاكو دەرباسی ناڤا زیندانێ ببن.
محموودێ رەش د كۆنگرەیەكی رۆژنەمەڤانی دە نووری مەحموود ب دەرەو دەرخست وگۆت كو تو چەكدارێن قەسەدە پەیوەندی ب داعشێ رە نەكرنە.
وژئالیێ خوەڤە مەزلووم عەبدێ فەرماندارێ قەسەدە نووری مەحموود ومحموودێ رەش ب دەرەو دەرخستن ود توویتەكێ دە گۆت كو چەكدارێن داعشێ پشتەڤانیێ ژ ناڤچەیێن دبن دەستێ گرووپێن چەكدار دە وەردگرە.
لێ پرسیارێن هەری گرینگ ئەون كو ل جەم خەلكێ رۆژئاڤایێ كوردستانێ هەتا وەكە نها بەرسڤ ژ وان رە نینە.
ـ گەلۆ چاوە ئەو ژمارەیا داعشان گەهشتە ناڤا باژارێ حەسەكێ .
ـ گەلۆ ژ بەر چێ 121 كەس ژ چەكدارێن قەسەدە وسڤیلان بوونە قوربانیا پیلانەكە دارێژتی.
ـ گەلۆ ژ بەر چێ قەسەدە چەكدارێن هۆڤترین رێخستنا تەرۆرستی د ناڤا سڤیلان دە دهێلە.
ـ گەلۆ قەسەدە ژبەر چێ بهتر ژ 200 سەركردە ونیشانڤان وپسپۆرێن چێكرنا تەقەمنیان یێن داعشێ رزگاركرن ؟
ـ ئەو چەكدارێن داعشێ توونێلێن كیژا ئالی ب كارئانین تاكو كارین زرگار ببن؟
ویەك ژ تشتێن سەیر ژ دەما پێشڤەچوونێن زیندانا صناعە دەستپێكرن وهەتا وەكە ئیرۆ ئالدار خەلیل تو لێدوانەك د ڤێ دەربارێ دە نەدایە ..
257
