خەلووسی ئاكار: هێزێن ئاسمانیێن توركیا ئۆپەراسیۆنەك ل سووریا وعێراقێ ئەنجام دان
آرك نيوز.. وەزیرێ بەرەڤانیا توركیا گۆت كو بالەفرێن شەر یێن توركیا ئۆپەراسیۆنەكە لەشكەری ل سووریێ وعێراقێ ئەنجامدا, وبنگەهێن پەكەكە ئارمانجكرن.
د كۆنگرەیەكی رۆژنەمەڤانی دە خەلووسی ئاكار وەزیرێ بەرەڤانیا توركیا راگەهاند كو شەڤا بووری بالەفرێن شەر یێن توركیا ئۆپەراسیۆنەكە ئاسمانی ل باكوورێ سووریێ ول عێراقێ ئەنجامدان.
وەكە خەلووسی ئاكار دایەزانین كو سەدەما ئەنجامدانا ئۆپەراسیۆنا ئاسمانی ئەو كو بنگەه وبارەگەهێن پەكەكە ل وان ناڤچەیان وەرنە ئارمانجكرن.
وژئالیێ خوەڤە وەزارەتا بەرەڤانیا توركیا داخویانیەك د ڤێ دەربارێ دە بەلاڤكر وگۆت كو ئارمانج ژ ئێریشێ دووركرنا گەفێن پەكەكە , وكەجەكە, ویەپەگە بوو ل سەر ئاساییشا توركیا , وئۆپەراسیۆنا ئاسمانی ب هوشیاری هاتە ئەنجامدان.
269
