عفرین .. جوانەكی كورد ژبەر لێدانا هۆڤانە ژ ئالیێ چەكداران ڤە ژیانا خوە ژ دەست دا
ارك نيوز .. جوانەكی كوردێ عفرینێ راستی ئەشكەنجەیێ ژ ئالیێ كۆمێن چەكدار ڤە هات و د ئەنجامێ دە ژیانا خوە ژ دەست دا .
ژێدەرەك خوەجهی تایبەت ژ ئاركێ رە راگهاند كو ل رێكەفتا بیست و دووێ چلەیێ واتە بەریا دەه رۆژان جوانێ كورد یێ بناڤێ رێزان محمد خلیل دەما كو داخوازا ئازادكرنا كورێ برایێ خوە یێ بناڤێ ازاد عسمەت خلیل یێن گرتی لجەم چەكدارێن احرار الشرقیە كر ، هەمان گروپا چەكدار ب قەنداغا كلاشنكۆفێ ب شێوەیەكی هۆڤانە ل سەری وی دا و بوو سەدەما بەربوونا خوینێ ژ مەژی وژبۆ نەخوەشخانەیەكە توركیێ هات ڤەكوهستن وپشتی دەه رۆژان دۆه ل نەخوەشخانەیێ جوانی كورد رێزان خلیل ژیانا خوە ژ دەست دا .
ژێدەرێ سەربار كر وگۆت كو پشتی چەكدارێن احرار الشرقیە كری برایێ وی ازاد خلیل رەڤاند داخوازا فدیێر بقاسی پێنج ملیۆن لیرەیێن سوری ژ مامێ وی كربوو وپشتی دابینكرنا پەرەیان ئەوێ گروبێ رێزان تۆمەتبار كر ب ئانینا پەرەیان ژ جەم پەیەدێ ، وگۆت تەڤی دابینكرنا پەرەیان لێ ازاد عسمەت خلیل هین د زندانێن چەكداران دەیە و چارەنیڤیسا وی نەدیارە .
347
