عهفرین .. ب سهدان مالبات ل بهندا پهژراندنا ڤهگهرا مالێن خوه نه
ب سهدان ژ مالباتێن كورد یێن عهفرینا رۆژئاڤایێ كوردستانێ یێن كو ژ دهرڤهرێن دهربهدهریێ ڤهگهریانه عهفرینێ ل بهندا پهژراندنا ڤهگهرا گوند ومالێن خوه نه.
ل گۆر ژێدهركه تایبهت ژ عهفرینێ ژ ئاركێ ره راگهاند كو ب سهدان مالباتێن كورد ل هێڤیا پهژراندنێ ژ گرووپێن چهكدار و بهرپرسێن توركانه داكو كاربن جارهكه دن ڤهگهرن گوند ووارێن خوه وژبهر وێ یهكێ نهچار دبن ل جهم كهسوكارێن خوه ل ناڤهندا باژارێ عهفرینێ یان گوندێن دهردۆرا گوندێن خوه بمینن .
ژێدهرێ ههروهها دا زانین كو دهما ئهو مالباتێن كو نهچار بوونه ل ناڤهندا باژێر بمینن بهرێ خوه ددن ئالیێن بهپرس داكو پهژراندنا ڤهگهرا گوندێن خوه بینن گرووپێن چهكدار وبهرپرسێن توركیێ بهانهێن جودا جودا ژ وان ره دهرخینن وهك هین گوند نههاتیه باقژكرن یان گوند وهك خالهكه لهشكهری هاتیه راگهاندن وهن بهانهێن دن وژ چهند ههیڤان ده ئهو ل جهم كهسوكارێن خوه نه.
دهربارێ دهركهتنا مالباتێن عهرب ژ عهفرینێ ژێدهرێ تهكهز كر كو گۆتهگۆتهك ههیه دبێژه كو مالباتێن عهرب یێن ل شوونا كوردان ده هاتن بجهكرن د 15 /10/2018 وێ دهركهڤن لێ د ههمان دهمێ ده ل گۆر ئاخافتنا ژێدهرێ كو ژ دهسپێكا دهرباسبوونا توركیێ و گروپێن چهكدار گهلهك گۆتهگۆتێن وهسا دهركهتنه وتا نها نه كهتنه وارێ جیبجیكرنێ ده لێ هژمارهك ژ مالباتێن عهرب ژبهر رهوش وسهدهمێن جودا ڤهگهریان گوندێن خوه ل ئدلبێ وهن ژ وان ڤهگهریانه غووتا .
ب ههزاران ژ مالباتێن عهفرینێ ژ بهر شهر وپهڤچوونان رهڤییان دهرڤهی ههرێمێ و تهڤی بهشهك ژ وان ڤهگهریان عهفرینێ لێ تا نها هژمارهك مهزن ژ مالباتێن كورد ل هێڤییا ڤهگهرا گوندێن خوه نه .
ش.ع
605
