پەیاما سەرۆك بارزانی دهربارێ هەڵبژارتنێن پەرلەمانا كوردستانێ
سەرۆك بارزانی لەبارەی هەڵبژاردنی پەرلەمانی كوردستان لە پەیامیدا رایگەیاند، سەركەوتنی پڕۆسەی هەڵبژاردن سەركەوتنی هەموو گەلی كوردستانە، هۆشیاریی سیاسیی خەڵك پێش دەخات و كاریگەریشی دەبێت لەسەر بەرزتربوونی پێگە و ناوبانگی هەرێمی كوردستان. داوایش لە هەموو خەڵكی كوردستان و بە تایبەت جەماوەری پارتی دەكەم كە لە دەربڕینی خۆشیدا پابەندی بنەماكانی یاسا و ئاسوودەیی هاووڵاتیان بن و خۆیان لە تەقەكردن و كردەی ناشارستانی بپارێزن.
دەقی پەیامی سەرۆك بارزانی لەبارەی هەڵبژاردنی پارلەمانی كوردستان
بەناوی خودای بەخشندە و میهرەبان
بەبۆنەی سەركەوتنی پڕۆسەی بەڕێوەچوونی هەڵبژاردنی پارلەمانی كوردستان لە 30ـی ئەیلوولی 2018 پیرۆزبایی لە هەموو خەڵكی كوردستان دەكەم و بەبۆنەی سەركەوتنی لیستی پارتی دیموكراتی كوردستان پیرۆزبایی لە جەماوەری سەربەرز و خۆڕاگر و هەموو ئەندام و لایەنگر و كادیر و هەوادارانی پارتی دیموكراتی كوردستان دەكەم. جێگەی خۆشحاڵییە كە هاووڵاتیان لە پڕۆسەیەكی دیموكراسیدا دەنگیان داوە و باشترین ڕێگەیش بۆ دەستاودەستكردنی دەسەڵات سندووقەكانی دەنگدانە.
سەركەوتنی پڕۆسەی هەڵبژاردن سەركەوتنی هەموو گەلی كوردستانە، هۆشیاریی سیاسیی خەڵك پێش دەخات و كاریگەریشی دەبێت لەسەر بەرزتربوونی پێگە و ناوبانگی هەرێمی كوردستان. داوایش لە هەموو خەڵكی كوردستان و بە تایبەت جەماوەری پارتی دەكەم كە لە دەربڕینی خۆشیدا پابەندی بنەماكانی یاسا و ئاسوودەیی هاووڵاتیان بن و خۆیان لە تەقەكردن و كردەی ناشارستانی بپارێزن.
ڕەنگە زۆر كەس و لایەنی سیاسیی هەرێم ڕەخنە و تانە و تێبینیان لەسەر هەبوونی پێشێلكاری و سەرپێچی و ساختەكاری هەبێت كە لە ڕۆژی هەڵبژاردندا ئەنجام دراون. هەر بۆیە داوا لە كۆمیسیۆنی باڵای هەڵبژاردنی كوردستان دەكەم بەدواداچوونی ورد و جیددی بۆ سكاڵا و سەرپێچییەكان بكات و بە هیچ شێوەیەك ڕێگە بە تێپەڕینی ساختەكاری و پێشێلكاری نەدرێت و ڕاستییەكان بخرێنەڕوو.
مەسعوود بارزانی
604
