رێكەفتنەك نوو ناڤبەرا پەیەدێ و رێژیما ئەسەد دە دەرباری پەترۆلێ هاتیە كرن
ارك نیوز .. رێكەفتنەك نوو ناڤبەرا رێژیما ئەسەد و پەیەدێ دە هاتە ئمزەكرن .
ژێدەرەك ئاگەهدار راگهاند كو ژبۆ دووبارە ڤەكرنا هەردوو دەرگەهین سەرەكە یێن ناڤبەرا رێژیم و پەیەدێ دە ، رێكەفتنەك نوو ناڤبەرا هەردوو ئالیان دە هاتە كرن ،ئەوژی پەترۆل بەرمبەر ڤەكرنا دەرگەهان نە .
وەكە هەمان ژیدەرێ دایە خویاكرن كو لگۆری وی رێكەفتنا نوو ل بەرامبەری دووبارە ڤەكرنا هەردوو دەرگەهێن التایهە و تەبقا یێن ناڤبەرا رێژیما ئەسەد و پەیەدی دە ، رێڤەبەریا پەیەدی وی حەفتیانە بێهتر ژ دووسەد بارهلگرێن باركری ب پەترۆلێ ژ ناڤچەیێن دبن كۆنترۆلا خوە دە ڤەگوهێزە بۆ ناڤچەیێن رێژیما ئەسەد ، ژێدەرا ناڤهاتی ئاماژە ب وی چەندی كر كو د هەیاما چل و هەیشت دەمژمێرین بووری دە رێڤەبەریا پەیەدێ دووسەد بارهلگرێن پەترۆلێ د ریێا دەرگەهێ تەبقا لرۆژئاڤایێ رەقایێ ڤەگوهەست بۆ ناڤچەیین بن كۆنترۆلا رێژیمێ .
ل رێكەفتا بیستی مەها بووری رێژیما ئەسەد بریارا داخستنا دەرگەهێن التایهە و تةبەقا ناڤبەرا خوە و پەیەدێ دە دا ، و ژ وێ دەمی و تا نها ئەو هەردوو دەرگەه گرتینە ونەهاتنە ڤەكرن .
211
