پشتی 3 سالان ژ رەڤاندنێ... چەكداران 3 وەلاتیێن عەفرینێ سەربست بەردان
آرك نيوز... پشتی سێ سالان ژ رەڤاندنا سێ وەلاتیێن كورد ل هەرێما عەفرینا رۆژئاڤایێ كوردستانێ گرووپێن چەكدار ئەو هەرسێ وەلاتی سەربست بەردان.
ژێدەرێن خوەجهی ژ ناڤ عەفرینێ ژ ئاركێ رە دانە زانین كو هەر یەك ژ حمید مستەفی یێ ژ گوندێ مست عاشوورا و عدنان عسمان یێ ژ گوندێ مەعرەسكێ سەربست هاتن بەردان هەمان ژێدەران تەكەز كرن كو هەردوو وەلاتی ژ سالا دووهەزار وهەژدەهان ڤە هاتبوو رەڤاندن و دوه ژی سەربست هاتن بەردان.
ل گۆر ژێدەران كو بەریا چەند رۆژان ژی هەمان چەكداران وەلاتیێ كورد یێ بناڤێ محمد عبدو جمی كو ژ گوندێ گەوركا یە سەربست هات بەردان كو وەلاتیێ ناڤبووری د سالا دووهەزار و هەژدەهان ب هەردوو كەچێن خوە ڤە هاتبوون رەڤاندن و بەریا دوو مەهان هەردوو كەچێن وی هاتن بەردان.
هەرسێ وەلاتیێ ناڤبووری ژ ناڤچەیا مابەتا نە ژ بلی وان د سەدان وەلاتیێن كورد چارەڤیسا وان د زیندانێن چەكداران دە نەدیارە.
ش.ع
424
