هەشت سال ل سەر شەهیدبوونا شەرڤان سیدۆ رە دەرباس دبن
آرك نيوز... د رۆژه‌كه وه‌كه ئیرۆ ده به‌ریا هەشت سالان, چه‌كدارێن پەیەدێ ئێریشی گوندێ چێقلمه یێ ناڤچه‌یا راجۆ یا عە‌فرینا رۆژئاڤایێ كوردستانێ كر, د ئەنجاما وێ ئێریشێ ده جوانه‌كی كورد كر ئارمانجا چه‌كێن خوه و شه‌هید بوو.
د هەڤدەهێ ئادارا دووهەزار وسێزدەهان, چه‌كدارێن پەیەدێ ب چه‌كێن سڤك و گران ب تۆمه‌تا هه‌بوونا شانه‌یێن ڤه‌شارتی سه‌ر ب پارتیا ده‌مۆقراتا كوردستان – سووریا پەدەكەسێ ئێریشی گوندێ چێقلمه كر, و د ئەنجاما وێ ئێریشێ ده جوانێ ب ناڤێ شه‌رڤان سیدۆ شه‌هید بوو.
پشتی كو پەیەدێ ئێریشا خوه ب داوی ئانی, هلمه‌ته‌ك گرتن و ره‌ڤاندنێ ده‌ست پێ كر و هژماره‌ك ژ ئەندام و ئالیگرێن پەدەكەسێ هاتن ره‌ڤاندن.
ته‌ڤی وێ یه‌كێ شه‌هید شه‌رڤان سیدۆ ب به‌شداریه‌كه مه‌زن ژ خه‌لكێ عە‌فرینێ د رۆژا دن ئانگۆ د 1هەژدەهێ مەهێ ده ل گوندێ خوه چێقلمه, ب بلندكرنا ئالا كوردستانێ ب خاك هات سپارتن.
ئێریشا پەیەدێ ژ گوندێ چێقلمه پشتی چه‌ند رۆژان ژ پیكانینا پەیەدێ ژ كۆمكوژیه‌كێ ل گوندێ برج عە‌بدالۆ هات, كو ئەو كۆمكوژی د هەشتێ ئادارێ ده هاتبوو ئەنجامدان تێدا چار وه‌لاتیێن سڤیل خه‌لكێ گوند شه‌هید بوون.
د چارچۆڤه‌یا ده‌ستهه‌لاتداریا پەیەدێ ژ ئە‌فرینێ ره, ب هژماره‌ك كۆمكوژی و بنپێكرن ده‌رهه‌قێ كوردان ده ئەنجام دان, وه‌ك كۆمكوژیا مالباتا شێخ حەنان و برجێ و مالباتا شێخۆ ل شیێ و شه‌هیدكرنا وه‌لاتیان د بن ئەشكه‌نجه‌یێ ده و ئێریشكرنا مالان و سه‌پاندنا باجان رادبوون.
ش.ع
298
