داوین پێشهاتەیێن باژارێ عین عیسایێ

ارك نيوز .. پشتی كو د دەستپیكا سالا دوو دە گروپێن چەكدار یێن بسەر حكومەتا سوریا دەمكی ڤە ئێریشێن خوە لسەر باژارێ عین عیسا و گوندێن بسەر ڤە گووركربوو ، كو رۆژانە ئەو باژار و گوندێن بسەر ڤە راستی ئێریشێن تووند دهات ، كو ل ئالیەكی دنژی ژبلی تۆبارانكرنا گروپێن چەكدار ژ باژار وگوندەوارێن وێ رە ، شەر و پەڤچوونێن تووند و دژوار ژی ناڤبەرا هەمان گروپێن چەكدار و قسدێ دە دهاتن روودان ، كو د ئەنجاما وان ئێریش و شەر وپەڤچوونان دە مەترسی دناڤا خەلكێ باژێر دە دروست بوو ، و بو سەدەما دروستبوونا پێلەكە دەربەدەریێ كو د وێ دەمێ دە ب سەدان مالبات مالێن خوە بجه هشتن ودەربەدەری ناڤچەیین ئەولەه دبوون .

پشتی دەمەێ ژ راوەستاندنا شەر وپەڤچوونان و ئێریشان لسەر باژاری عین عیسا ، جارەكە دن گروپێن چەكدار دەست ب تۆپباران و بەبارانكرنێ كر ، و هەر سەرێ چەن رۆژان ئەو باژار و گوندێن بسەرڤە راستی ئێریشان تین هەری داوی ژی دوه باژار هات ئارمانجكرن بێ كو تو تا نها توو زیانێن وێ ئێریشێ وەرە زانین .

لگۆری كو ژێدەرێن خوەجهی ئەشەكەرە كریە كو بەریا دوو رۆژان ئارتێشا توركیێ دەست ب لەڤ وتەڤگەرێ ل هەمان دەڤەرێ كر ، و دەست ب ئاڤاكرنا خالەكە خوە یا لەشكەری نوو كریە , ژ بۆ ڤێ مه‌به‌ستێ ژی ده‌ست ب كۆلاندنا خه‌نده‌قان و ڤه‌گوهه‌ستنا ئالاڤێن له‌شكه‌ری بۆ خالا خوە یا نوو كریه‌ .

وگۆت ئەو خالا لەشكەریا توركی یا نوو ل بەرامبەر ریێا ئم فۆرا ناڤدەولتی كو بتەنێ یەك كیلۆ متری دوری وێ یە هاتیە ئاڤاكرن .

وەكە هەمان ژێدەران دایە خویااكرن كو ب ڤێ یەكێ هەژمارا خالین توركی یێن لەشكەری كو ل بەرامبەری باژارێ عین عیسایێ هاتنە ئاڤاكرن دگهێژە جاران خالان كو بەریا نها ژی ئارتێشا توركیێ سی خالێن خوە یێن لەشكەری ئاڤاكربوو وئالاڤێن لەشكەری بۆ وان خالان ڤەگوهەستبوو .

181