داوین رەوشا كۆرۆنا ل رۆژئاڤایێ كوردستانێ و سوریێ بگشتی
ارك نيوز ... ئەڤە نێزی سالەكێ یە و ڤیروسا كۆرۆنا ل سەرانسەری جیهانێ بەلاڤ بوویە و تەڤی دیتنا ڤاكسینێ ژ ڤێ نەخوەشیی رە لێ هین ژی ئامارێن كۆرۆنا لسەرانسەری جیهانێ بەر ب زێدەبوونێ ڤە دچە و وەلاتێ سوریێ یەك ژ وان وەلاتانە كو ئامالاێن پێكەتیان هەر كو دچە زێدەتر دبە و رۆژانە حالەتێن توشبوون ومرنێ تینە تۆماركرن ، كو تا نها هەژمارا گشتی یا توشبوویێن كۆرۆنایێ لسەرانسەری سوریێ گهشتیە بێهترژ چل پێنج هەزار كەسی .
ل رۆژئاڤایێ كوردستانێ رۆژ ب رۆژ حالەتێن پیكەتنێ تێنە ئۆماركرن هەری داوی پێكەتنا 3 كەسێن دن ل باژارێ قامشلۆ ومنبجێ ب ڤیروسا كۆرۆنایێ .
دەستەیا تەندروستیێ یا بسەر رێڤەبەریا پەیەدێ ڤە ئامارێن بیست وچار سەعێن بووری راگهاند كو ل رۆژئاڤایێ كوردستانێ 3 كەسێن دن بكۆرۆنا كەتنە ، 3 كەس مرنە ، وكەسەك ژی باشبوویە
هەر لگۆری دەستەیا تەندروستیێ یا بسەر پەیەدێ ئەشكەرە كریە كو ب تۆماركرنا حالەتا نوو یا توشبوونێ بكۆرۆنایێ هەژمارا گشتی ل رۆژئاڤایێ كوردستانی گهشتیە 8608 كەسی ژ وێ هەژمارێ 1247 كەس باش بوونە و 321 كەسان ژی تا نها جانی خوە ژ دەست دانە.
دەربارێ ئامار وپێشهاتەیێن كورۆنایێ ل ناڤچەیێن دبن دەستێ ریژیما ئەسەد دە ژی هەژمارا توشبوویان گهشتیە بێهتری 15 هەزار وپێنسەد كەسی .
د داخویانیەكێ دە وەزارەتا تەندروستیێ یا ریژیما ئەسەد راگهاند كو د هەیاما بیست وچار دەمژمێرێن بوری دە 66 كەسێن دن ب كۆرۆنایێ كەتنە ، 5 كەسان چانێ خوە ژ دەست دانە ، و 80 كەس ژی باش بوونە
لگۆری داخویانیا وەزارەتا تەندروستیا ریژیمێ كو بڤێ ئاوایی هەژمارا گشتی یا پێكەتیێن كۆرۆنا ل دەڤەرێن ژێر كۆنترۆلا وێ دگهێژە 15553 كەسان ، ژ وێ هەژمارێ 9717 كەس بتەمامی باش بوونە و 1022 كەس ژی جانێ خوە ژ دەست دانە ..
دەربارێ ئامارێن كۆرۆنایێ و داوین پێشهاتەیێن وێ ل دەڤەرێن ژێر كۆنترۆلا ئۆپۆزسیۆنا سوریێ ژی پرۆگراما هوشیاری وبەرسڤدانا نەخوەشیان د داخویانیەكە خوە دە راگهاند كو د هەیاما بیست وچار سەعیتێن بووری دە كەسەك دن بگۆرۆنایێ كەتیە، 135 كەس ژی ب تەمامی ژ ڤێ ڤیروسێ باشبوونە ، بێ تۆماركرنا تو حالەتێن مرنێ.
لگۆری داخویانیا پرۆگراما ناڤهاتی كو حەتا نها هەژمارا گشتی یا پێكەیان بڤیروسا كۆرۆنایێ ل دەڤەرێن دبن كۆنترۆلا ئۆپۆزسیۆنێ پشتی تۆماركرنا حالەتێن نوو گهشتیە 21173 كەسان ، ژ وێ ژمارەیێ 18485 كەس باش بوونە و 408 كەسان ژی جانێ خوە ژ دەست دانە ..
331
