رەوانگەها سوری: ژ سالا 2011 ڤە 460 سڤیل ژ ئالیێ جەندرمەیێن توركیێ ڤە هاتنە كوشتن
ارك نیوز .. رەوانگەها سوریێ یا مافێن مرۆڤان ئامارەك دەربارێ كۆشتنا وەلاتیێن سڤیل لسەر سینۆرێ ناڤبەرا سوریێ و توركیێ دە لسەر دەستێ چەندرمەیێن توركیێ ڤە بەلاڤ كر .
لگۆری رەوانگەها سوریێ یا مافێن مرۆڤان ئەشكەرە كریە كو دەما وەلاتیێن سڤیل یێن سوری هەول ددن ب قاچاغی دەرباسی توركیێ ببن ژبەر بەدەوامیا شەر و نەجێگریا رەوشێ لسەر سینۆر ژ ئالیێ چەندرمەیێن توركی ڤە تێنە گولەبارانكرن ، كو د ڤێ سالی دە تا نها نۆزدە سڤیل دناڤ واندە پێنج زارۆك و ژنەك هەنە هاتنە كوشتن لسەر دەستێ چەندرمەیێن توركیێ .
هەر لگۆری بەلگەكرنا رەوانگەهێ كو ژ دەما دەستپێكرنا شۆرشا سوریێ ژ سالا دوو هەزار و یازدەهان ڤە و تا نها چارسەد و شێست سڤیل ، ژ وان هەیشتێ و دوو زارۆك ، وچل وچار ژنن لسەر دەستێ چەندرمەیێن توركی هاتنە گولەبارانكرن وژیانا خوە ژ دەست دانە .
411
