جارەكە دن كریزا ئاڤێ ل باژارێ حەسەكی دەركەتیە هۆلێ

ارك نيوز .. پشتی دەمەكە باش ژ دابینكرنا ئاڤی و چارەسەركرنا كریزا ئاڤێ لباژارێ حەسەكی یێ رۆژئاڤایێ كوردستانی ، جارەكە دن كریزا ئاڤێ ل وی باژارێ پەیدابوویە، و خەلك د رەوشەكە خراب دە دژین .

نوچەگهانێ ئاركی ژ باژاری حەسەكی یێ رۆژئاڤایێ كوردستانی راگهاند كو ئەڤە دەه رۆژان وئاڤ لسەر باژاری حەسەكێ یێ رۆژئاڤایێ كوردستانی هاتیە برین ، ژ وی دەمی وتا نها خەلك ب زەحمەتی دەبارا ژیانا خوە دكن و نەچار دبن ئاڤێ بكرن.

وەكە نوچەگهانێ مە دایە دیاركرن كو سەدەما برینا ئاڤی ڤێ جاری ئەوە كو گروپێن چەكدار یین بسەر حكومەتا سوریا دەمكی ڤە ل باژارێ سەرێ كانیێ ئلكتریكێ ددزن و بویە سەدەما لاوازبوونا دابینكرنا ئاڤێ ل ویستگەها عەلۆك ، وئەڤ یەك بوویە سەدەما بیرنا ئاڤێ لسەرباژارێ حەسەكێ و گوندەواری وێ كو ئەڤە دەه رۆژن وئاڤ لسەر باژێر هاتیە برین .

نوچەگهانێ ئاركێ دا خویاكرن كو ژبەر برینا ئاڤێ یا بەردەوام ژ ویستگەها علۆك ل سەری كانیێ خەلك د رەشەكە پر خراب دە دژین وب زەحمەتی دەربارا ژیانا خوە دكن ، وگۆت ژبەر كریزا ئاڤێ ئیدی خەلك نەچار دبن ئاڤێ ب تانكەران بكرن .

هەڤدەمی دەركەتنا كریزا ئاڤێ لباژارێ حەسەكێ كریزا ئلكتریكی ژی دەركەتیە هۆلێ كو برینا ئلكتریكی ژی كەتیە رۆژا خوە یا شەشەان دە بسەدەما روخاندنا سێ ستونێن ئلكتریكێ ل چیایێ عبد العزیز لگوندەواری حەسەكێ ، كو تا نها ئەو كێشە بەردەوامە و نەهاتیە چارەسەركرن .

ئەڤە نەجارا یەكی یەكێ یە كو رەوشا خزمەتگوزاریێ لرۆژئاڤایێ كوردستانی خراب دبە و دگهێژە ڤی ئاستا هەری خراب ، بەریا نها گەلەك جاران رەوش ب ڤی ئاوایی بوو كو بەریا چەند هەیڤان دەما وەرزی هاڤینی دە رەوشا ئاڤی وئلكتریكی گەلەكی خراب ببو وبۆ دەما چەند هەیڤان بتایبەتی ئاڤ لسەر خەلكی باژاری حەسەكی هاتبوو برین , كو د وی دەمێ دە پێویستیا خەلكێ ب ئاڤی هەبوو بتایبەت كو وەرزی هاڤی بوو و ئاڤ گەلەكی دهات بكارئانین كو ب دەهێ رۆژان گروپێن چەكدار یێن لسەرێ كانیێ دمینن ئاڤا ویستگەها عەلۆك لسەر حەسەكی دبرین , و خەلك نەچار دبوون ب تانكەران ئاڤێ بكرن كو نرخی هەر تانكەرەك ئاڤێ دوێ دەمی ب چار هەزار لیرەیێن سوری بوو ، وژبەر بەردەوامیا خرابوونا رەوشا خزمەتگوزاریێ بگشتی لرۆژئاڤایێ كوردستانی خەلك د خرابترین رەوش دە دەرباس بوون وو ب زەحمەتی دبارا ژیانا خوە دكرن ، كو ئاست گهشتبو وی چەندێ كو ئەگەر رەوش وەها بەردەوام بكە د وێ دەمێ دە بەرێ رۆژئاڤایێ كوردستانی بەرەڤ كارەسەتان ڤەیە .

340