نەتەوێن یەكگرتی گەرا پێنجان ژ جڤینێن كۆمیتەیا دستورا سوری یا نوو دەستنیشان كر

ارك نيوز .. پشتی بداویهاتنا گەرا چاران ژ جڤینێن كۆمیتەیا دستورا سوریێ یا پێشەرۆژی ل جنێفا پایتەختا سویسرایێ ، شاندەیێ ناڤدەولتی یێ تایبەت بۆ سوریی دەما لدارخستنا گەرا پێنجان ژ جڤینێن كۆمیتەیا دستورا سوری ئەشكەرە كر گەرا بێ ژ جڤینێن كۆمیتەیا دستورا سوریێ وێ د بیست وپێنجێ چلەیێ دووهەزار وبیست ویەكێ دە وەرە لدارخستن .

پشتی بداویهاتنا گەرا چاران ژ جڤینێن كۆمیتەیا دستورا سوری ل جنێفێ كو دەربارێ ناسنامەیا نشتیمانی یا سوری دە بوو كونگرەك رۆژنامەڤانی هات لدارخستن و تێدە گێر بێدرسۆن شاندەیێ ناڤدەولتی یێ تایبەت بۆ سوریێ راگهاند كو ئەگەر ڤینا سیاسی و خوەستەكا لهەڤهاتنێ ناڤبەرا هەردوو ئالیێن بەشدار دە هەبە ، د وێ دەمێ دە چارەسەریا گونجاو تێ پەیداكرن .

هرەوەها بێدرسۆن هێڤی كر ژی كو د گەرێن بێدە پرۆسەیا نیڤساندنا دستورا سوری یا نوو دەست پێ بكە ، لێ ئەڤ پێنگاڤ پر زەحمەتە وپێویستا وێ ب هەولدانێن مەزن هەیە .

شاندەیێ ناڤدەولتی یی تایبەت بۆ سوریێ د هەمان كۆنگرێ رۆژنامەڤانی دە دیار كر وگۆت سەدەما ئاستەنگكرنا پپێشكەتنێ ئەوە نەبوونا باوەریێ ناڤبەرا تەڤایا ئالیێن سوری و ناڤدەولتی دە یە ، هەروەها نە ئامادەبوونا وان ژ ئاڤیتنا گاڤێن كو بكاربە باوەریێ ناڤبەرا وان دە دروست بكە .

د رۆژا سیهێ بەرچلەیێ گەرا چاران چ جڤینێن كۆمیتەیا دستورا سوریێ یا نوو ب بەشداربوونا هەردوو شاندێن هەڤپەیمانیا نشتیمانی یا ئۆپۆزسیۆنا سوریێ و یا رێژیما ئەسەد ل جنێفێ دەستپیكر ، و رۆژا ئینێ ل رێكەفتا چاارێ بەرچلەیێ بداوی هات كو و د وان جڤینان دە ناسنامەیا نشتیمانی یا سووریێ هاتە گۆتووبێژكرن ، و بریارە د گەرا پێنجان ژ جڤینێن كومیتەیا دستورا سوری دە پەرەنسیپێن دستوری وەرەنە گۆتوبێژكرن .

280