بێدرسۆن: ئەم دخوازن پیشكەتنەكێ د گەرا چاران دە ببینن

ارك نيوز .. بەریا ئەنجامدانا گارێ چارێ ژ جڤینێن كۆمیتەیا دستورا سوریی یا نوو ل جنێفێ شاندەیێ ناڤدەولتی یێ تایبەت ب سوریێ هەولا پێشكەتنا دانوستاندنێن نیڤساندنا دستوورا سوریێ وبداویكرنا شەرێ نەه سالان ل سوریێ كر ..

گێر بێدرسۆن شاندەیێ ناڤدەولتی یێ تایبەت بۆ سوورێ د د كۆنگرەكی ڤیدیۆیی دە گۆت كو ئەم هێڤی دكن كو گەرا بێ یا جڤینێن كۆمیتەیا دستورا سوریێ یا نوو پێشكەتنێ بدەست خوە ڤە بینە و ب دەرئەنجامێن باش دەركەڤە ..

هەروەها بێدرسۆن هێڤیا دانوستاندنێن بەرفرە كر كو ب دەرئەنجام باش دەركەڤە و بكاربە تەڤایا ئالیان نێزیكی دەسپێكرنا دانوستاندێن لسەر بنگەهێن دستورا سوری یا نوو د چلەیا بێ دە بكە ..

شاندەیێ ناڤدەولتی یێ تایبەت بۆ سوریێ ئاماژە ب سەرەدانێن خوە یێن دبلۆماتیەك د حەفیا بووری دە بۆ تەهران ، موسكۆ، شام ، و ئەنقەرێ و عەربستانا سعودیێ و ئۆردنێ كر و گۆت لگەل رایەدارێن وان وەلاتان رە جڤیابوو و لگەل وان دۆسەیا سوریی گۆتوبێژ كربوو ژبۆ دیتنا چارەسەریەك سیاسی بلەز كو بكاربە شەری دەه سالان لسوریێ بداوی بینە و رەوش جارەكە دن ل وی وەلاتی ئاسایی ببە و جێگری و ئارامی پێداببە .

بیدرسۆن كۆت ژی پێویستە دەربارێ كارێ كو ئەم دكن پشتگریه‌ك ناڤدەولتی یا زەلال هەبە ، یا زه‌لال هه‌به‌, و ئەز كێفخوه‌شم كو بێژم كو ئەڤ پشتگری تێ.

كومیتەیا دستورا سوریێ یا نوو ژ چل و پێنج ئەندامان بێك تێ ، و ب وەكهەڤی ناڤبەرا نوونەرێن ریژیما ئەسەد و ئۆپۆزسیۆنا سوریێ و جڤاكا سڤیل دە هاتیە بەلاڤكرن .

د تەباغا دووهەزار وبیستەهان دە گەرا سیێەم ژ جڤینێن كۆمیتەیی هاتە لدارخستن بێ كو ب توو دەرئەنجامەكی دەركەڤە ، وپشتی چەند هەیڤان ژ راوەستاندنا جڤینێن كۆمیتەیا دستورا نوو یا سوری بریارە ئیرۆ دووشەمێ گەرا چاران ژ جڤینێن كۆمیتەیێ ل جنێفێ وەرە ئەنجامدان .

412